"بنت الأقرع".. ابنة أحمد بدير ترد على سخرية مذيعة شهيرة من "صلعة" والدها

ردت سارة بدير نجلة الفنان الكبير أحمد بدير على الإعلامية مي عيدان بسبب تنمرها على والدها وسخريته منه بنشر صورة لابنته معلقة: 'بنت الأقرع'.

وكتبت سارة بدير عبر حسابها الرسمي بموقع التواصل الاجتماعي'فيسبوك' على سخرية 'العيدان' من والدها بإشارة إلى صورة من منشورها على إنستجرام قائلة: 'طيب أنا صحيت من النوم النهارده لقيت مصر كلها بعتالى عن بوست أستاذة مى العيدان (الإعلاميه!)'.

وأضافت: 'أنا أسمع عن حضرتك طبعًا وأعرف إنك شخص مشاكس يعشق التنمر وخصوصا التنمر على الفنانين!'.

وتابعت: 'بس حابة أوضحلك كام حاجة كده:أولا، أنا أبويا نجم كبير من نجوم الوطن العربى ومحدش هيسمحلك تتكلمى عليه نص كلمة.. وأعتقد إنك شوفتى ده كفاية فى هجوم الوطن العربى كله عليكى اللى أنا نفسى اتفاجئت بيه وبشكر كل الناس الى ردت غيبتنا!'.

وقالت سارة بدير: 'ثانيًا، لو الفنانين بالنسبة لك حياتهم مستباحة فأنا مش فنانة عشان تحطينى معاهم فى جمله مفيدة (مع احترامى لكل الفنانين طبعا).

ثالثًا، أبويا اللى حضرتك بتغلطى فيه ده علمنى أرفض التنمر بجميع أشكاله.. وحضرتك غلطتى فأنا أكيد مش هسكت!'.

ونشرت العيدان عبر حسابها بمنصة تبادل الصور والفيديوهات 'إنستجرام'، صورة مجمعة للفنان أحمد بدير وابنته سارة، معلقة عليها بعبارة 'صورة ابنة الفنان أحمد بدير.. والله طلعت بنته مزة .. بنت الأقرع'.