أعلن وائل عبدالعزيز عن صلحه مع شقيقته النجمة ياسمين عبدالعزيز بعدة عدة خلافات بسبب زواجها من أحمد العوضي لوجود فرق السنة بينهما، متمنين لها السعادة وكل الخير في اختياراتها.
ونشر وائل عبر حسابه الرسمي بموقع التواصل الإجتماعي 'فيس بوك' صورة تجمعه معه شقيقته في أحد المناسبات معلقا :'ربنا يكرمك ويوفقك ويحفظك ربنا عالم الواحد مَش عايز حاجه من الدنيا غير اني اشوفك ناجحة ومرتاحه في اختياراتك بالشكل اللي يليق بيكي'.
وائل عبدالعزيز وياسمين عبدالعزيز
وفي وقت سابق، كتب وائل عبر حسابه بـ 'فيس بوك'،: 'بصي يا ياسمين يا عبد العزيز يا أختي، أنا معاكي وفي ضهرك من وأنتي صغيرة، شيلت مشاكل كتير بسببك، من وأنتي عيلة صغيره بداية من مشاكلك مع الشاعر وبرادة، وأنتي عارفة أن أنا أتاذيت فيها إزاي وقضيته الشغالات مؤخرا، غير قضيه الضرب اللي كانت بينك وبين بنت هشام سليم، الممثلة اللي لبستيها التورتة في وشها'.
وتابع: 'وقفت جمبك بكل ما أملك من قوة، أدافع عنك في كل موقف صعب مر عليكي، ونسيت حياتي ونفسي عشانك وبقي كل همي أنا “ووالدتك ” إنك تكبري وتبقي نجمة في مجالك.. سيبنالك اختياراتك كلها لنفسك ووفقنالك على معظم قراراتك وكنت الوحيد اللي ساندتك ووقفت جنبك في طلاقك.. لكن هنهرتل وتروحي تعرفي واحد أصغر منك بـ 10 سنين، لا من سنك وتتصوري صور مالهاش أي لازمة على حساب سمعتك وسمعتنا، لا ومحدش هيسمح.. من أمتي وإحنا بنعمل أعياد ميلاد وتنزل على السوشيال ميديا.. من امتى الناس بتجيب في سيرتنا !؟ ونقعد نتعاكس على السوشيال ميديا'.
وتشارك ياسمين عبدالعزيز وأحمد العوضي في مسلسل 'اللي ملوش كبير' الذي يُعرض في السباق الرمضاني المقبل، ويبدأ تصوير المسلسل منتصف شهر ديسمبر الحالي، من تأليف عمرو محمود ياسين، وإخراج مصطفى فكرى.
تابعوا آخر أهل مصر على Google News
