تعرضت الفنانة نشوى مصطفى للمضايقات من قبل مُعد أحد البرامج التليفزيونية، عقب مكالمته لها في وقت متأخر من الليل، موضحة أنها تلقت العديد من السخرية والإهانة، وسردت تفاصيل الأزمة عبر حسابها الشخصي بموقع فيس بوك.
وكتبت نشوى: 'امبارح الساعة واحدة ونص الصبح كلمني شخص علشان يقول لي إنه عايزني ضيفة في برنامج الحقيقة كلمني على رقمين تليفون ماردتش على الأول، ولما كلمني على الرقم التاني قلت أكيد فيه مصيبة وحد بيستنجد بيا من أهلي مثلا، المهم كتبت بوست هنا شرحت اللي حصل بدون ما أذكر اسمه ولا رقمه ولا البرنامج ولا القناة'.
نشوى مصطفى فيس بوك
وتابعت نشوى: 'النهارده دخل وأعلن عن نفسه وأنه كان بيتصل بيا لأني ممثلة أي كلام وماحدش بيتفرج عليا غير ولادي، وأنه هو خريج جامعة أمريكية وأني مجرد خريجة المعهد العالي للفنون المسرحية التابع لوزارة الثقافة المصرية'.
نشوى مصطفى فيس بوك
واختتم: 'وده كلامه من فضلكم محتاجة مشورة أتصرف إزاي علشان أفهمه آداب التعامل مع فنانة مصرية عصو نقابة المهن التمثيلية وخريجة المعهد العالي للفنون المسرحية التابع لوزارة الثقافة المصرية اللي بيعايرني بيها، ملحوظة: مثبت على تليفوناتي الوقت اللي اتصل فيه على التليفونين'.
نشوى مصطفى فيس بوك
تابعوا آخر أهل مصر على Google News
