أشاد الشاعر الغنائي تامر حسين، بحفل المطرب عمرو دياب الذي أقيم أمس في دبي، حيث نشر صورة تجمعهما سويا عبر حسابه بموقع فيس بوك، معلقا: 'ليه عمرو دياب في حته تانية وتالتة عندى على الأقل، بأخلاقه قبل فنه وأبسط الأمثلة حفلة امبارح الراجل قدمنا وقدم لنا التحية أنا وعزيز الشافعي كعادته وبذوقه المعروف وخرجنا.. اشتغلت اتعلموا وشافني باك ستيدج ندهلى تانى'.
وتابع : 'وقالهم هو اللى عامل الأغنية دي مش عايز حتى يروح منى كريديت أن الناس تعرف أن الأغنية دى بتاعتى وأدانى المايك لتاني مرة بعد ما غنيت قدام مرايتها عشان أغنى الكوبليه يتعلموا ويقلدون وواقف بيسقف وكفاية فرحته اللى باينة في عينه بناسه وبفريق عمله واللي بيعمله عمرو دياب حقيقى قُليل ونادر جداً وعايز فنان سوي نفسياً وواثق من نفسه يمكن التفاصيل دي تبان بسيطة لكن ليها ألف معنى عند أي صانع لما بيحس بمنتهى التقدير وأنه مهم بالنسبة للمطرب اللي بيشتغل معاه نفسياً وأدبياً ومعنوياً.. عمرو دياب'.
ويعد هذا هو الحفل الأول بعد طرح الهضبة ألبومه الأخير 'يا أنا يا لأ' والذى حقق نجاحا كبيرا، ومن المقرر أن يقدم عمرو دياب عدة مفاجآت فى الحفل، حيث سيغنى أغلب أغانى الألبوم الجديد، بالإضافة إلى أغانيه المعروفة.
وطرح عمرو دياب ألبومه الجديد 'يا أنا يا لاء'، تزامنًا مع الاحتفال بالعام الجديد وبالتحديد يوم 25 من ديسمبر الماضي، وضم 12 أغنية هي: 'يا أنا يا لاء، محسود، شكرا، عايز أعمل زيك، طبل، بتهزر، فاكرني يا حب، وأنا معاك، يا دلعوا، من العشم، محسود 'ريمكس'، والجو جميل.
تابعوا آخر أهل مصر على Google News
