لقاء الخميسي ترد على منتقدي حفلها بساقية الصاوي: بعرف أغني وأرقص (فيديو)

تعرضت الفنانة لقاء الخميسي للعديد من الانتقادات من قبل متابعيها بسبب حفلها الغنائي بساقية الصاوي الذي أعلنت عنه مؤخرًا وسوف يقام الخميس 11 فبراير بقاعة النهر وذلك تحت قيادة يوسف عباس وفرقته.

وردت الخميسي على تلك الأقاويل من خلال فيديو نشرته عبر حسابها الرسمي بموقع 'فيس بوك'، حيث قالت: 'الناس اللي بتسأل عشان حفلة ساقية الصاوي، بتقولي هو أنتي مغنية ولا ممثلة، هو أنتي ليه بتغني، طيب المغنين ليه بيمثلو عندنا'.

وأضافت: 'مطربين كتير بيمثلوا، لو بنتكلم عن الفن الممثل ممكن يمثل ويبقي يعرف يغني ويرقص، ويعرف يعمل كل حاجة ليها علاقة بالشغلانة بتاعتنا، دي حاجة مش محتاجين نتناقش فيها لسه، العادي جدًا أن أي ممثل أو ممثلة يبقى شاطر في كل حاجة، يطلب منه يغني ويرقص، وفيه أفلام فنانين فيها رقصوا ومثلوا'، متسائلة: 'هو أنتوا مشوفتوش ممثلين بتغني أبدًا؟'.

وتابعت قائلة : 'أنا بعتبر نفسي مؤدية كويس، وبغني الكلمات مضبوطة، وفي فرق بين الأداء والطرب'، وواصلت: 'مش عارف ليه محسسني إن الموضوع مبيحصلش، المفروض أن كل واحد يعمل كل حاجة، أنا بحب الغناء وبعرف أرقص وأرسم وأعزف.. معرفش الأزمة فين'.