وجه الفنان محمد منير، نصيحة للأجيال الجديد من المطربين، قائلاً : "مشكلتهم إنهم متسرعين كل اللي تحت 25 متسرع، وأنا صحيح فخور أنهم جيل بيجيدوا الإنجليزية وأنا كمنير أجيد الإنجليزية والألمانية لكن بقلهم "طز فيكم" لأني مش عايز أقابل شاب يقلي أنا " تجارة إنجلش أو حقوق إنجلش، "لما أسالك شهادتك إيه؟ تقلي بكالريوس تجارة أو ليسانس حقوق بعد كده تبقى تق لي إيه تخصصك أتمنى يستوعبوا كلامي ده لانه مش ضدهم ".
وأضاف خلال مداخلة مع لميس الحديدي عبر فضائية "أون": " أنا حياتي كان فيها مصاعب كثيرة ومعاناة طويلة ومشوار طويل، أنا لما بدأت حياتي كان فيه 500 واحد نصهم من عينتي والباقي من أسر المنتجين، والنهاردة بقى عندي شعب كامل بيجبني أنا بغني 42 سنة".
وتابع: "أنا بحب ألمانيا وحبايبي الشعب الألماني وكفاية أن مصيبة كورونا حرمتني من زيارة ألمانيا لمدة سنة ورجلي "بتاكلني" وكل ما أكلم صحابي يقلولي استنى شوية".
تابعوا آخر أهل مصر على Google News
