تامر عاشور يرد على انتقادات الجمهور له بسبب أنا صايم يا فاطرة

تعرض المطرب تامر عاشور لهجوم حاد من قِبل الجمهور مساء أمس الإثنين 26 أبريل، وذلك عقب وصفه لطفلة مريضة سرطان بـ 'يا فاطرة'، حيث كان يصور معها إعلانًا ترويجيًا للمستشفى التي تُعالج بها.

تعليق تامر عاشور

كتب تامر عاشور عبر حسابه بموقع التواصل الاجتماعي: 'صباح الخير أنا طول حياتي ومشواري عمري ما اتريقت على حد سليم عشان اتريق على مريض حاشا لله واللي خد كلامي تريقه على مريض نفوسهم ضعيفة وهم اللي مرضى بيفرقوا بين المريض والشخص الطبيعي'.

وتابع: 'لو نزلت صورتي مع أي طفل اللي هو غير مُكلف بالصيام وقولتله بأي طريقة، متشربش مياه قدامي يا فاطر أو خد دي يا فاطر أنا صايم، حد هيتكلم؟، مستحيل علشان طفل طبيعي، لكن المريض لاااااا منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعاملاتنا'.

واختتم كلامه: 'المرض الحقيقي هو التفرقة بين أطفالنا اللي بصحة جيدة ربنا يديهم كل الصحة وأطفالنا اللي ربنا اختارهم للمرض، المرض الحقيقي هو أن فكرة المعايرة جاتلك قبل ١٠٠ فكرة تانية ممكن تجيلك من جمال البنت وضحكها وبهجة الصورة، وللأسف شوفت كمان حاجة غريبة جدا، ناس كتير قوي محسوبين على هامش المجال الفني، عمرهم ما شافو مني حاجة وحشة غير أني مباديهمش مواعيد لقيتلهم تعليقات كأنهم ما صدقوا لاقولي غلطة وأنصحهم أن العمر بيجري حاولوا تعملوا حاجة لنفسكم أولى، البنت اللي في الصورة فضلت في حضني طول تصوير الإعلان وبحبها جدا جدا، ومتفقين أنا وهي على حاجات كتير قوي قوي هنعملها'.

صورة تامر عاشور مع الطفلة

وكان تامر عاشور كتب عبر حسابه الرسمي بموقع التواصل الاجتماعي 'فيسبوك': 'لا خدي أنتي أنا صايم يا فاطرة بحبك'.