حرص الفنان محمد مهران على دعم المخرج محمد سامي، بعد قرار وقفه من قبل الشركة المتحدة للخدمات الإعلامية، وذلك في رسالة لسامي عبر حسابه الشخصي على موقع تبادل الصور والفيديوهات الشهير إنستجرام.
وقال محمد مهران: 'الراجل ده مكناش صحاب شافني مرة في المسرح في 2015، وقالي هنشتغل مع بعض ومشفتوش بعدها غير سنة 2020، لما اشتغلت معاه في مسلسل البرنس ومن بعدها بقينا نشتغل مع بعض، مشوفتش منه حاجة وحشة خالص ومالوش معايا أي مصلحة شخصية وكان داعما لي ولموهبتي بشكل كبير، وأي ممثل بيكون هدفه أنه يشتغل مع مخرج شاطر ومأمن بيه ومظنش لما هتشوف c.v المخرج ده مش هتقدر تقول غير أنه مخرج مهم وشاطر و بيطلع من الممثل أفضل ماعنده'.
وتابع قائلا: 'ملاحظة لبعض الناس اللي بتتكلم عن الشللية انا عمري في حياتي ما قابلت استاذ محمد سامي برة نطاق العمل.. معقدتش معاه في كافيه ماسهرتش معاه، بتجمعني بيه علاقة ود واحترام و عمل و بس.. ادعم المخرج محمد سامي'.
وسبق محمد مهران في دعم محمد سامي الفنان إدوارد الذي نشر عبر حسابه على فيسبوك قائلا: 'أدعم المخرج محمد سامي ضد حملة التشويه اللي يقوم بها بعض الزملاء وعلشان كده بقول شهادة حق في المخرج محمد سامي، أنا أشتغلت معاه وتعاملت في الشغل معاه راجل بيحب شغله جدا وبيتعب كتير واتعامل معايا بكل احترام وحب وبيحب الممثل جدا وبيطلع أحسن ما عنده'.
وتابع قائلا: 'وعشان محدش يقول عشان أنا بشتغل معه الناس كلها عارفة أني بشتغل معه ومع غيره ومش مستني شغل من حد الحمدالله، أنا تاريخي في السينما والدراما كبير وبشتغل مع ناس كتير دي شهادة حق بس ولازم أقولها، ادعم المخرج محمد سامي'.
تابعوا آخر أهل مصر على Google News
