حرص أبناء الفنانة الراحلة نادية العراقية، على إحياء ذكرى ميلاد والدتهم، الأول عقب رحيلها عن عالمنا 16 مايو الجاري، إثر إصابتها بفيروس كورونا المستجد 'كوفيد 19'.
ونشرت مي محروس عبر صفحتها على 'فيس بوك' مجموعة من الصور والفيديوهات، وعلقت عليها: 'في ذكرى ميلادها قام ابنها أدهم بزيارة قبر والدته محملًا بالورود ووجبة من السوشي كما كانت تحبه دائماً، وقرأ على روحها سور من القرآن الكريم، كانت المرحومة تحبها بصورة خاصة ودعا لها بالرحمة وتركها مودعاً عائداً لسرادق العزاء بالإسكندرية.. رحمها الله وطيب ثراها وأسكنها الفردوس الأعلى من الجنة، وإنا لله وإنا إليه راجعون'.
ولم تكتفِ بذلك، فنشرت مي أيضًا فيديو مجمع لها مع والدتها، معلقة عليه: 'ماما أول عيد ميلاد ليكي متبقيش جنبنا ومعانا أكيد أنتِ دلوقتي في الجنة ومبسوطة مع الملائكة وتيتا وجدو واخواتك.. كان نفسي أقولك كل سنة وأنتِ طيبة وأبوسك وأحضنك وأعملك مساچ زي ما كنتي بتحبي.. والله يا ماما أنا مش مستوعبة إنك خلاص مشيتي وسبتينا من غيرك اتكسرنا من غيرك'.
وأضافت: 'يا أمي أنا فعلاً مش قادرة أعيش من غيرك.. أنا عايزاكي وعايزة أشوفك بس عارفه أنه مينفعش لأنك عند ربنا الرحمن الرحيم وأكيد مبسوطة.. شكراً يا ماما على كل لحظة عشتيهالنا وعلى كل لحظة ضحكتينا وطبطبتي علينا أنا بحبك اوي بجد يا روحي .. دايماً كنتي بتحمينا وحتى لما مشيتي بتحمينا'.
وتابعت: 'أنا بحس بيكي حواليا وبحس أنك بتطبطبي علينا الحمد لله ربنا مصبرنا بس احنا موجوعين اوي يا ماما محدش فينا مستوعب احنا حاسين انك مسافرة زي كل مرة و راجعة تاني وسطنا.. عمري ما كنت اتخيل اني هكتب كده و لا اني هحس الاحساس الصعب ده كنت دايماً واثقة انك هتفضلي عايشة و ربنا هيفتكرني قبلك بس ربنا أراد حاجة تانية الحمدلله'.
وأنهت منشورها: 'ماما الله يرحمك ويكرمك بجنته وسامحيني على أي حاجة كل سنة جاية وأنتي في الجنة وبين ايدين ربنا.. بحبك وتعاليلي في الحلم أشوفك'.
تابعوا آخر أهل مصر على Google News
