ابنة الشاعر خميس عز العرب تروي تفاصيل ضربها بالقلم من قبِل متحرش في الشارع

تعرضت ابنة الشاعر خميس عز العرب للتحرش والإعتداء مساء أمس الأربعاء الموافق 10 يونيو، حتى أن المتحرش اعتدى عليها بالضرب عندما حاولت الرد عليه. وفي السطور التالية نرصد الأزمة كاملة.

الاعتداء على ابنة الشاعر خميس عز العرب

كشفت لنا ابنة الشاعر خميس عز العرب، تفاصيل التعدي عليها، وكتبت عبر حسابها بموقع التواصل الإجتماعي 'فيسبوك': 'انا اتضربت في الشارع من واحد بيعاكسني عشان بقوله احترم نفسك، في كائنات كده بيشبهوا الرجاله في هيئتهم اتلموا فا ضربني بالقلم تاني وسطهم فا حاشوه بهدوء و مشوه .. وبيقولولي معلش'.

وتابعت: 'الناس دي فقرااء الي الله زيي كده و كنت بتمني من جوايا ان لو ربنا رزقني بفلوس و خلاني غنيه اساعدهم ، دول الناس اللي كنت بفكر ف حياتهم و بيصعبوا عليا و بحضر لمساعدتهم من غير ما يطلبوها منى و من غير ما اعرفهم ، دول الناس اللي استنجدت بيهم و اتضربت وسطهم و انا رايحه شغلي ف امان الله ف عز الضهر يارب انت اللي عالم'.

رد فعل الشاعر خميس عز العرب

اتخذ الشاعر خميس عز العرب رد فعل فوري على ما حدث لابنته، وكتب عبر حسابه بموقع التواصل الإجتماعي 'فيسبوك': 'حقك ما باتش بره يا حبيبة بابا والقلم اللى طلع من إيده أكل بداله ما لا يقل عن 14 قلم سخن وباس الإيدين والرجلين ولولا إن أهل منطقته طلعوا جدعان و ضربوه معانا ماكناش خلصنا الموضوع غير برميه فى السجن'.

وأضاف: 'محدش من ولاد البلد هناك رغم سلبية بعضهم اللى حكتيها رضى باللى حصل و كلهم وقفوا مع الحق .. شكراً لإبنى إسلام أبو الرجوله اللى روحنا لقيناه توصل للولد و جابه لحد القهوه و شكرا لإبنى الفنان الجدع سليمان حمزة على وقفته جنب أخته و زميلته و شكرا كمان لأهالى الكونيسه و على رأسهم ' كلوشه ' أبو كف مرزبه طرقع و كيفنا ههههههههه ابتسمى يا روح بابا ما عاش و لا كان اللى يمد إيده على قلبى'.