سمية الخشاب للأمهات: "لو مش فاضية لتربية ولادك يا حلوة بتخلفي ليه؟"

هاجمت الفنانة سمية الخشاب عدد من الأمهات بطريقة عنيفة، بسبب عدم تربية بعضهن لأبناءهن مما جعلها تخرج عن شعورها وتهاجمهم بقسوة.

سمية الخشاب تهاجم الأمهات

وكتبت الفنانة سمية الخشاب عبر حسابها بموقع التدوينات الشهير 'تويتر': 'نداء للأمهات اللي مش فاضيين لتربية ولادهم يا حلوة ياللي مشغولة ومش مسئولة بتخلفي ليه'.

وتابعت: 'لما انتي مش قد مسئولية تربية أطفال والاهتمام بيهم، طيب ليه حضرتك تعبتي نفسك وتعبتي معاكي المجتمع'.

ردت عليها فتاة وكتبت: 'وياريت يربوا ولدهم من غير ما يحطوا فوارق بين الولد والبنت والبنت اللي بتعمل والولد ميعملش حاجة ولا يشيل مكانه الأكل، مش فاهمة أي علاقة دي بأنه ولد مثلا ميربوهم ع انهم يساعدوهم ومراتتهم فالمستقبل إنما أي شغل ده ولد أنت بنت دي'.

لترد سمية الخشاب وتكتب: 'صح جدا! اللي تعمله البنت يعمله الولد وكل واحد يتعلم يعتمد على نفسه مفيش حاجة اسمها البنت هي اللي تخدم وهي اللي تعمل، في حاجة اسمها يكون في مشاركة ومساعدة بين أفراد البيت'.

أعمال سمية الخشاب

يشار إلى أن أخر أعمال الفنانة سمية الخشاب كان مهرجان أوعدك والذي قدمته من مغني المهرجانات عمر كمال، كما قدمت مؤخرًا البطولة أمام محمد رمضان في مسلسل موسى.