بعد الهجوم عليه بسبب فتاة السرطان.. حمو بيكا: هي اللي طلبت تقابلني (فيديو)

عبر مغني المهرجانات حمو بيكا عن استيائه الشديد، من الهجوم الذي تعرض له؛ بعد تداول فيديو له وهو يزور طفلة صغيرة مصابة بالسرطان، واتهامه بأنه يفعل الخير من أجل الترويج والتظاهر به أمام الجميع.

حمو بيكا يرد على الهجوم عليه بسبب فيديو الطفلة

ونشر حمو بيكا عبر صفحته الشخصية بموقع التواصل الاجتماعي 'فيس بوك'، الفيديو المتسبب في الهجوم عليه، وعلق عليه قائلًا: 'بمناسبة البوست المنتشر بخصوص أني زرت الطفلة الجميلة في بيتها عشان هي بتحبني، أولًا أنا زرت الطفلة الجميلة دي بناءً على طلبها'.

وأضاف حمو بيكا: 'ثانيًا أنا مطلبتش أن حد يصورني أو أنا بتاجر بالمرض، والتفكير الردئ جدًا اللي بقي في الناس ده، ثالثًا أهلها صوروني عشان فرحتهم بوجودي مش لغرض الشو والمتاجرة بالمرض والكلام الهايف ده، ارحمو نفسكم من الهري الكتير.. بتتعبو نفسكم على الفاضي'.

حمو بيكا: ارحمو من في الأرض يرحمكم من في السماء

وتابع 'بيكا' في منشوره: 'تفكيركم بقي منحدر بطريقة بشعة.. لازم الفتي في كل المواضيع.. أنا مش بتاع شو ولا هكون بتاع شو في حاجة زي دي بالذات.. ارحمو من في الأرض يرحمكم من في السماء'.