محامي «سمكري البني أدمين»: كان بيعمل جلسات للفنانين بدون مقابل.. وحالته النفسية ساءت (فيديو)

تحدث ماجد البنهاوي، محامي يوسف خير الشهير بـ 'سمكري البني أدمين'، عن هجوم الفنانين ضد موكله بعد القبض عليه منذ عدة أيام بتهمة التزوير.

سمكري البني أدمين

وقال البنهاوي في تصريح لبرنامج 'ET بالعربي'، إن هناك حملة ممنهجة قوية ضد موكله، لافتا إلى أن الفنانين كانوا يتوجهون إليه بأرادتهم، وتابع البنهاوي قائلا: 'ولا عمره قالهم تعالوا وكانوا بيحجزوا عنده المواعيد كمان، وكان بيعمل الجلسات دي بدون مقابل، أنا مش عارف إيه اللي حصل ولا ليه الضجة الإعلامية ضده؟'.

وأضاف محامي سمكري البني أدمين:'مكنش يجب أن تكون الوقفة معاه، وبعدين هو في موقف ضعيف والإنسان لما بيبقى في موقف ضعيف بيبقى محتاج أي دعم ولو بالكلمة ولما وقع كله بدأ يحط عليه'.

وعن حالته النفسية بعد القبض والهجوم عليه قال المحامي :'نفسيته وحشة ومضايق وزعلان من اللي حصل، وبيقولي أنا عمري ما أذيت ولا ضايقت حد ليه بيعملوا معايا كده'.