قال الفنان سليمان عيد، إنه بعد تخرجه من معهد السينما قرر البحث عن عروسة، وتقدم لـ 12 فتاة لكنه اترفض، مشيرًا إلى أن هناك واحدة منهما رُفض بسبب عمله في التمثيل.
وأضاف سليمان عيد خلال لقائه برنامج 'سهرانين' الذى يقدمه الفنان أمير كرارة، المذاع على قناة ON عن زواجه وأولاده، 'ابنى وابنتى شبهى، واحنا في شهر العسل كانت أمنيتي أنا وزوجتى أن يكون لدينا ولد وبنت'.
وتابع: 'كنت راجع من شهر العسل وشغال في مسرحية اسمها جوز ولوز لقيت المسرحية قفلت، وعليا أقساط، كلمت فتوح أحمد قلت له أنا عايز أشتغل أي حاجة، أبويا علمنى ما تلفش من أي حد جنيه، وقلت هشتغل مجاميع، رحت لقيت أبطال المسلسل كانوا تلامذة عندي في المعهد'.
واستكمل: 'بعدها محمود البزاوي قال لى تعالى اتفرج على بروفة جنرال مسرحية الزعيم لعادل إمام، قلت له شغلونى معاكوا، قال لى المسرحية هتفتح بكرة، رحت لقيت العرض تأجل أسبوع، و طلبت من عادل إمام يشغلني معاه أي حاجة، قال لى بتاخد كم قلت له 600 جنيه، قال لهم مضوه على عقد بـ 1500 جنيه، واحتفل بعيد ميلاد ابنى، وده موقف مش هنساه'.
تابعوا آخر أهل مصر على Google News
