تصدر اسم النجمة حنان مطاوع مؤشرات بحث جوجل عقب استضافتها في برنامج الحكاية على قناة MBC مصر. حيث كان لها تصريحات نالت اعجاب الجمهور. لذا تنشر 'أهل مصر' 10 تصريحات على لسان حنان مطاوع من حلقة أمس في السطور التالية.
تصريحات للفنانة حنان مطاوع مع عمرو أديب
- في مسلسلي الجديد البطل الذي أمامي هو كلب يجنن وهو أهم مني، بس لما المخرج طلب مني أعمل بروفة على مشهد حضن مع الكلب كان موقف مؤسف. أنا بحب الحيوانات لكن من بعيد، ولسه مقدرتش أعمل اللحظة دي
- الفنان نبيل الحلفاوي شاركته في أكثر من عمل وهو أستاذ كبير جدًا وحنون وبعتبره عمي أو خالي، وعلى المستوى الفني بيذاكر ومتفاني وملتزم جدا.. أخجل من التزامه ودقته
- أنا مش شايفة إن الفن وراثة هو قدرة على التعبير عن الناس والاحساس بيهم والتعبير عن مشاكلهم، افراحهم، همومهم وتقدر تثقله بالدراسة بالتجربة بالخبرة لكن هي حاجة من عند ربنا، مفيش حد موهوب حقيقي وبيصدق اللي بيعمله وميحبش يوصل لقمته ومقصدش نمبر 1 ونمبر 2 لأن الفن ساحته بالعرض مش أفقية تتسم للكل، لكن هو مش مفتون بالحته دي ولا بيجري وراها لأن ليها حسابات تانية لكن بيشتغل وبيتقن شغله لغاية لما تيجي
- جزء كبير من شغلانة الفن يتوقف على المغامرة، وأنا مش بخاف، لكن المغامرة تكون محسوبة، وأنا لا أحب فكرة أني أكون لوحدي، وشوفنا نموذج السنة الماضية كان عظيم جدا، سواء في القاهرة كابول أو في الاختيار، كان فيه أكثر من عمل لنجوم مهمة جدا يتحموا أنهم يتنافسون
- لو بقى عندي البطولة المطلقة، الأدوار اللي بجوار الشخصية مهمة جدا بتنور وتزيد النجاح
- أنا لست منتجة، لكن بشتغل بالعمق مش بالطول، وأما يجيلي الدور بقعد أحفر فيه مهما كان حجمه علشان يكون دور مختلف
- أنا بشجع المنتخب المصري لكرة القدم في مبارياته بالدعاء، فأنا مصراوي جدا، المنتخب المصري يلعب تلاقيني قاعدة أدعي.. لكن أهلي وزمالك، بقعد أتفرج على السجال في البيت عندنا
- زوجي أمير أهلاوي جدًا ولكني لا أشجع سوى منتخب مصر، الحث الوطني دايب جوانا وممكن يبان علينا من ماتش كورة من غير شعارات، كما أنني أنا قمّاصة ومبعديش بس عاقلة في حاجات تانية، إنسانة عادي، وأكيد في حاجات لازم تعديها، وكل ما تنضج وتثق أكتر في شريكك، ويبقى في لغة حوار وعشرة أكتر ده بيهذب، ومفيش حاجة بتختفي، هو حقه إن أنا أهذب من نفسي، والحاجات اللي مش عاجباه أقاومها عشان هو شريكي وحقه إن أنا أسعده أو أجتهد، والأمومة غيرتني
- عندي مسلسل في رمضان القادم مؤجل من العام القادم
- في مسلسل ورد كان واقف بسبب مشاكل إنتاجية، لأننا كنا بدأنا التصوير فيه، المسلسل يضم الفنان نضال الشافعي ومحمد لطفى، والكثير من الشخصيات المهمة
تابعوا آخر أهل مصر على Google News
