حل الفنان أحمد فهمي ضيفًا على برنامج حبر سري ليكون ثاني ضيوف هذا البرنامج الذي تقدمه الإعلامية أسما إبراهيم على قناة القاهرة والناس. وخلال الجزء الأول من برنامج حبر سري كشف الكثير من الأسرار نرصدها لكم في السطور التالية.
ملخص تصريحات أحمد فهمي في حبر سريأنا وشيكابالا كنا أصحاب جدًا ودلوقتي هو مش عدوي ومش بنكره بعض ولو شوفنا بعض مش هنتخانق تاني ومش بحب انفخ فى النار، ودي مش خناقة مع ممثل دي خناقة قلبت بأهلي وزمالك وتعمل فتنة ما بين الجماهير
أكرم حسني ومصطفى خاطر وعلي ربيع اخواتي وأكثر ناس صحابي فى الوسط الفني
أكرم حسني بيضحكني أكتر من أي حد وأكرم أقرب حد ليا فى الدنيا وده بحكم العشرة مع بعض
شيكو وهشام ماجد هما حاجة والباقي حاجة وفي علاقات عائلية ولكن يمكن الفترة دي بحكم الشغل أنا واكرم مقربين أكثر
راضي على كل الأدوار وعمري ما عملت أدوار عشان عليا ديون أو اقساط، وعمري ما بتحط تحت ضغط واختياراتي من دماغي والتوفيق بتاع ربنا
أنا مش عارف محمد رمضان عاملي متابعة ولا لأ بس إحنا مش بنشوف بعض كل يوم واحنا مش صحاب
أنا بتابع صحابي وهما أكرم حسني ومحمد أسامة أوس أوس ومصطفى خاطر ومحمد عبد الرحمن ومحمد إمام وأحمد السعدني
هنا الزاهد وأحمد حاتم لهما أكثر من عمل بعد فيلم قصة حب، ولو أنا مضايق من أحمد هخلي مراتي تمثل معاه كل الأعمال دي ازاي
مش بضايق لما بيقولوا أحمد حاتم لايق على هنا الزاهد أكثر مني في التمثيل، ومش كل حد هيقول حاجة هعمل له قيمة، وده كله كلام فاضي
لما بتخانق مع هنا أنا اللي بصالحها الأول وهنا مسيطرة جدا، وأنا غلبان جنبها في البيت، ودي حاجة حلوة بحبها في البيت
الجزء الثاني لحلقة أحمد فهمي في برنامج حبر سري
يحل الفنان أحمد فهمي ضيفًا على الإعلامية أسما إبراهيم، بالجزء الثاني من حلقات برنامج 'حبر سري'، المذاع عبر قناة القاهرة والناس، وذلك مساء اليوم الجمعة الموافق 19 نوفمبر الجاري الساعة 11 مساءًا.
تابعوا آخر أهل مصر على Google News
