شن الكاتب ربيع الحسيني هجوما شديدا على الإعلامي شريف عامر بعد استضافته لشاب يدعى يوسف سوستة صاحب مهرجان 'شيماء' خلال برنامج 'يحدث في مصر'، على قناة ام بي سي مصر.
وقال ربيع الحسيني عبر حسابه على موقع فيس بوك:'استاذ شريف.. أنا من عادتى أى موضوع ماتكلمش فيه أكتر من بوستين.. بس ردك هايخلينى ارد أسمع يا (شريف) انت اللى اعصابك مشدوده مش أحنا.. انت اللى رجلك غرزت في الطين للمره التانية.. المره الأولى فى موضوع فبركة حكاية المحلل.. أنت اللى مرعوب ومهتز.. مكنتش متوقع أن الشعب ده واعى.. ومش هايسكت.. وبتقول أن عندنا بعض التعالي، ايوة يا حج بنتعالى وهنتعالى على اى مخلوق يحاول يسحب هويتنا من الرقى الفنى إلى العشوائية'.
وتابع:'ماهو مش هاتجيب اللى بيسمع أم كلثوم وتقارنه باللى بيسمع بيكا وشيكا وفرعون وشطه وسوسته.. وبتقول أننا بنتجاهل عصر مختلف.. تقصد الفضاء الإلكترونى. طب ما داخل الفضاء الالكترونى..وبتقول محدش شاف الحلقة.. معلش كونك تستضيف سوستة ده ف حد ذاته جريمة إعلامية.. لماذا لم تستضيف مطربى احتفالية طريق الكباش؟، وأن كان زى ما بتقول الكلام بعيد عن ان فيه مؤامرة.. لا هو فيه مؤامرة.. من ساعه ما لبستونا الوهابية وخلعتوا وصدرتوا لبلاد كفيلكم كل فنوننا الأصيلة من أغانى وافلام ومسرحيات للقمم المصرية.. ايوة مؤامرة طالما بتطلبوا مننا الاختيار ما بين السيء والاسوأ'.
وشن عدد كبير من المشاهير والجمهور هجوماً حاداً على شريف عامر بعد حلقة يوسف سوستة الذي اشتهر بأغنية هابطة تسمى 'شيماء'، ورد شريف عبر تويتر قائلاً: 'ببساطة مصر 100 مليون فيها كل حاجة. نفهم، نشوف،نقرر، ونعالج بدون ترفع وتجاهل لأننا لا نملك منعا ولا حظر في عصر له أدوات جديدة لا أوراق اعتماد فيها، شخصية تتحول لعنوان ساعة، وتختفي أو تستمر'.
وتابع: ' كل المختلف معي له الحق في ذلك. أنا كمان لي حق الاختلاف معه، تحياتي وتقديري للجميع'.
تابعوا آخر أهل مصر على Google News
