أحمد فلوكس لهاني شاكر: فاكر الرياسة هي المنع والشطب

أبدى الفنان أحمد فلوكس رأيه في الأزمة الأخيرة، التي تجمع نقابة المهن الموسيقية متمثلة في رئيسها الفنان هاني شاكر وبين مطربي المهرجانات الشعبية، وذلك عبر حسابه الشخصي على موقع التواصل الاجتماعي فيس بوك.

وكتب فلوكس عبر فيس بوك قائلاً:'لما كتبت بوست نجيب وهاني شاكر هايطلعوا برة، وهايشتغلوا واسمهم مصريين، فبدل ما تمنعوا، جمعهم وقومهم ووجههم صح، واستخدمهم لإرسال رسالة هادفة لجمهورهم الكبير، وارتفع بيهم هما وجمهورهم لدرجة صحيحة، لكن طبعًا لأن كل النقابات ناس لا تصلح، وعبارة عن ميغة للانتفاع، والأستاذ هاني ما شاء الله، فاكر الرياسة هي المنع والشطب، واللي تاحتوا الحقيقة حاجة يعني ولا ليها علاقة بأي حاجة غير الانتفاع، وده كله حال أغلب النقابات'.

وتابع أحمد فلوكس حديثه قائلاً:'بالتالي كل ده حصل، ولسه اتفرجو إيه اللي هيحصل، لأن الأسوأ لسه مجاش، وبالمناسبة مش بس النقابات الفنية علشان ماحدش يزايد، لا نقابات كتيرة، حتى نقابة عمال الغزل والنسيج، اللي راحوا أجروا أهم سينما في شبران اللي غني عليها أم كلثوم، وجمال عبد الناصر قال خطبه شهيرة هناك.. أجروا لناس عملوا قاعات أفراح فيها، وبدل ما يعملوا حاجة تفيد أهالي شبرا بقت قاعة أفراح، وبميت ألف جنيه في الشهر، يعني هبل بس، سينما مودرن.

وأنهى أحمد فلوكس حديثه قائلاً: 'يا أستاذ هاني ماتتكلمش بالوطنية وقدسية البلد، وأنت لسه راجع من تركيا في إجازة، اللي عاوز يصلح يصلح مش يمنع.. سلامو عليكم'.