ياسمين عبد العزيز:"كنت داخلة العملية وعارفة انى مش طالعة تاني.. وقولت لأخويا خالي بالك من ولادي"

تحدثت الفنانة ياسمين عبد العزيز عن تفاصيل المحنة الصحية الصعبة التي مرت بها مؤخرا، وذلك في لقائها التي تطل به لأول مرة على جمهورها برفقة الإعلامية منى الشاذلي ببرنامج 'معكم'، المذاع عبر قناة 'CBC'.

وروت ياسمين عبد العزيز قائلة: 'بعد العملية الأولى بعد 3 أيام قالوا لو هي مدخلتش العملية كمان ساعة هتموت.. واتضح أن القوقولون اتخرم و جالي تسمم في الدم، وأنا بموت.. قالوا لو مدخلش كمان ساعة تعمل عملية خلاص.. جريوا بيا للعملية، الدكتور اللي عمل العملية عصام شلباية أنقذ حياتي بيقولي بعد مارجعت من السفر في سويسرا مش متخيلة الدنيا كانت عامله ازاي، وكنت عارف أن انتي خلاص.. الراجل ده أنقذ حياتي بيقولي الوضع كان صعب جداً.. قالي أنا داخل وعارف أن الدنيا بايظة خالص.. أن انتي خلاص'.

وتابعت: 'وأنا داخلة العملية أنا نفسي كنت عارفة أني مش هطلع.. حسيت كده.. وأنا داخلة قلت لأخويا الكبير خلي بالك من ياسمين وسيف ولادي لأني فعلاً كنت داخلة مش طالعة حسيت ده وطبعا لما دخلت كانت حالتي رايحة خالص.. طلعوني من العملية على العناية.. في العناية علقولي خراطيم من مناخيري وبوقي.. و4 خراطيم في كل جنب من جسمي .. وركبولي 3 محاليل فوق وتحت متواصلة بأدوية انتيبيوتك'.