حمو بيكا يتحدي هاني شاكر: هنغني في مصر واحنا مش بنجبر الناس تسمع مهرجانات

خرج حمو بيكا، مغني المهرجانات عن صمته، وفتح النار على الفنان هاني شاكر، نقيب الموسيقيين، عقب قرار منعه من الغناء داخل مصر.

حمو بيكا يفتح النار على هاني شاكر

وفتح بيكا، النار على هاني شاكر، من خلال بث مباشر، قام بحذفه بعدها، حيث قال خلال البث،: «اخواتي حسن شاكوش وعمر كمال مشرفينا في قطر وأستاذ هاني شاكر، مانعنا نغني في مصر، بص بقى احنا يوم عيد أكتوبر، نزلت ميدان التحرير وعملنا حفلات كبيرة وغنينا وفرحانا... ليه حضرتك بتمنعني من الغنا في مصر؟، وحضرتك بتقول اطلع غني بره مصر، ليه يعني؟ هو انا جاي من أوروبا، ولا باكستان، أنا مصري، ولما بسافر بره بروح اقعد بالخمس والعشر أيام بحس إن أنا غريب وبحس إن أنا مش من هنا».

وتابع بيكا، حديثه وقال: «الناس بتستقبلنا وبيعملوا معانا أحلى واجب، وبنطلع بره مصر وبنتكرم وأخدت أفضل مطرب مهرجانات 2021، واتكرمت في دبي والسعودية بسيف دهب وخنجر دهب».

وتحدى حمو، الفنان هاني شاكر، وعبر: «لا هنغني في مصر، أم الدنيا، ودي بلدنا وتحية لمصر، أم الدنيا، ومش هتطول وهي موجة وهتعدي ودي 5 موجة وبتعدي عشان معايا ربنا».