وجه الفنان تامر حسني رسالة جديدة، عبر حسابه الرسمي على موقع تبادل الصور والفيديوهات الشهير إنستجرام، بعد حفله الضخم أمس الذي أقيم في مركز المنارة بالتجمع الخامس.
وقال تامر حسني: 'كل التحية والتقدير والاحترام للتنظيم ورجال الأمن والداخلية، ولعباقرة المسرح الغنائي المصري والعربي.. مليون شكر لكل الجمهور العظيم اللي حضر امبارح من الأكاديمية البحرية و ضيوفهم الكرام، و فرحان جدا من كل التعليقات الجميلة من كل الناس اللي حاسه بتطويري للمسرح المصري والعربي بجد هو مجهود مش عادي'.
وتابع: 'و للعلم هقول كلمة مهمة جايز أفيد بيها حد في شغله، وعشان يتعلمها الأجيال القادمة، من ضمن سياستي في شغلي إن أكبر حفلاتي أنا و كل الفريق مبنكسبش منها ماديا خالص، لإني بدفع وزيادة عليها كمان عشان نظهر بالمظهر المختلف الراقي المواكب لأكبر بلدان العالم'.
واختتم:' دا عشان بنعمل تاريخ فني قوي في حق تاريخنا الفني و بلدنا ووطننا.. فمش دايما المكاسب بتبقى مادية، وعلى فكرة بعمل كده من وأنا صغير لحد النهاردة، عشان كدا بشكر كل اللي صدقوني في النقلة دي وتعبوا معايا، واثق إنهم فرحانين بالنتيجة دلوقتي بعد ما كل واحد فيهم النهاردة أصبح أهم شخص في مجاله'.
تابعوا آخر أهل مصر على Google News
