حسن شاكوش عن تغيير اسمه للعودة إلى النقابة:"مش محتاجهُ وصورتي لوحدها كفايه"

كشف مصطفي عنبة، مطرب المهرجانات، عن إن اسمه الحقيقي قائلًا:'أنا مصطفى سعيد، وشهرتي 'عناب'، متابعا: 'الواحد لما ربنا كرمه واشتهر باسم عنبة، وأنا كنت بلعب كورة وأنا صغير، وكنت بحط عنب في جيبي، ومن ساعتها الاسم طلع عليا'.

وأضاف مطرب المهرجانات، في مداخلة مع الإعلامي عمرو أديب ببرنامج 'الحكاية': 'أنا مضيت إقرار بتغيير اسمي من عنبة لمصطفى عناب'.

ومن ناحيته أخرى، علق أيضًا حسن شاكوش، مطرب المهرجانات، على تغيير اسمه للعودة للنقابة، قائلا:'أنا اسمي في النقابة حسن منصور'، مضيفًا 'أما قدمت في النقابة قدمت على حسن منصور مش حسن شاكوش'، موضحا: 'حسن شاكوش اسم الشهرة فقط بين الناس، إنما الكارنيه حسن منصور'. لافتًا: 'أنا وصلت لمرحلة إني مش محتاج اسم.. صورتي لوحدها تتعرف'.