ويجز: طفولتي قاسية وعندي 6 اخوات ومصروفي كان 20 جنيه (فيديو)

حل المطرب ويجز، ضيفا في لقاء مسجل، ضيفًا على الإعلامي الإماراتي، أنس بوخش، ببرنامجه «ABtalks» المذاع عبر اليوتيوب، وكشف خلال اللقاء عن العديد من تفاصيل حياته الشخصية، وأسرار عن طفولته وبدايته الفنية.

وقال ويجز خلال اللقاء: عندي 6 أخوات مش كلهم أشقاء وكل حد في حتة، وامبارح كان عندي حفلة والنهاردة فيه هدوء في حياتي، وأنا عندي مشكلة مع الهدوء، لو هدوء كتير بيتحول عندي مشكلة ومحبوش لأني مش بتاع قعدة في البيت خالص وأحب أحتك بالناس.

طفولة قاسية

وأضاف: طفولتي كانت قاسية وكنت بتنقل كتير أوي بسبب ظروف شغل الوالد، وعملت مليون حاجة وعمري ما تخيلت إني هغني وبعدين جاتلي فرصة وبقيت أغني دلوقتي، ومكنش عندي خطة أبقى مغني، كنت قبل كده بحب أكتب وأسمع مزيكا واتفرج على ماتشات الكورة مع الشباب لأني مبعرفش ألعب.

وتابع ويجز:  أنا عندي مبدأ أنا مش عايز حاجة، مش عايز جنيه زيادة ومش عايز أي حاجة، فاكر إن كان بيبقى معايا 20 أو 50 جنيها في اليوم، بس مش بقول لحد هات فلوس وبتعايش مع ظروفي.

مش خالصة وكيفي كده

كانت آخر أعمال ويجز هي أغنية 'مش خالصة' بالتعاون مع الجراند طوطو، ونالت الأغنية إعجاب الملايين، حيث تخطت حاجز الـ2 مليون مشاهدة منذ طرحها على موقع الفيديوهات يوتيوب، وذلك بعد  أغنية كيفي كدا والتي تصدرت تريند مواقع التواصل الاجتماعي، وكسرت حاجز الـ25 مليون مشاهدة منذ طرحها على موقع الفيديوهات يوتيوب من 3 أشهر فقط.