وجهت الإعلامية أسما إبراهيم، رسالة إلى «عروس الإسماعيلية»، التي كانت محور اهتمام السوشيال ميديا خلال الساعات الماضية.
وقالت 'إبراهيم'، في منشور لها عبر حسابها الرسمي بموقع التواصل الاجتماعي 'إنستجرام'، 'الله يعينك على اللي جاي وكل اللي حقدر اقوله ربنا يهديهولك طالما انتي أرتضيتي الإهانة من أول يوم '.
واختتمت أسما إبراهيم، رسالتها قائلة: 'رفقآ بالقوارير ... ما أكرمهم إلا كريم وما أهانهم إلا لئيم '.
وفي سياق متصل كشف ابن عمة العريس، خلال حواره ببرنامج 'الحكاية' المذاع عبر فضائية 'إم بي سي مصر' تفاصيل المشادة التي حدثت قائلًا: 'متخانقتش مع أخت العريس خالص.. ومعرفش أصلا اتخانقت معاها فين، وكانت مشكلة عريس مع عروسته وكانوا بيتكلموا مع بعض على حوار التأخير في الكوافير'.
وتابع: 'قعد يلف شوية يدور على الكوافير وماكانش عارف هو فين، ودي كانت المشكلة، والطبيعي العريس بيكون مشدود'.
وفي سياق متصل، علق مروان، شقيق عريس الإسماعيلية، عن ضرب العروس خلال فرحها، قائلا: 'والله ما في حاجة.. ودا سوء تفاهم بين أخي وبنت عمي، ومفيش حاجة وهي كانت نازلة من السيارة واتشنكلت وقالها اركبي وهو دا اللي حصل'.
وتابع: 'كانت مشادة فرح، وأي حد بيكون في فرح بتكون أعصابه مشدودة مش أكتر من كدا، ومفيش ضرب ودي بنت عمي وأختي قبل ما تبقى مراته'.
تابعوا آخر أهل مصر على Google News
