أحمد فلوكس: كلام إلهام شاهين معجبنيش وربنا اللي هيحاسبنا

علّق الفنان أحمد فلوكس، على أزمته الأخيرة مع الفنانة إلهام شاهين، بعدما شن هجوما عليها، بسبب تصريحاتها عن القبلات في السينما المصرية، وأن الأفلام الراقية قديما كانت تحتوي على القبلات، في حين تغير المجتمع، وأصبح ينظر للقبلة على أنها شيئا منافيا للآداب.

وقال أحمد فلوكس، في مداخلة هاتفية على فضائية 'الحدث اليوم': 'الفنانة إلهام شاهين أستاذتنا، وقامة في المهنة، بس أنا ردّيت عليها بموجب أولا إني شخص مشاهد مش من المهنة.. أو حد بيربي ابنه، وحد حابب إنه يصلّح من نفسه ويبقى كويس، فيخلّي ابنه يشوف حاجة كويسة، عشان يبقى أحسن منه، والمهنية اللي عندي أثبتت لي إن اللي بقوله صح، هي جات كدا، أنا راجل، والدي بيقرا كتير، علشان كدا أنا متربي على إني أقرا كتير، وأشوف أخبار، وأعرف الدنيا فيها إيه، وكلام إلهام شاهين معجبنيش'.

وتابع فلوكس: 'معنديش مشاكل مع الهام شاهين، ولو إنك تقول رأيك أصبح مشكلة فدي مشكلة اللي بيقول، واللي بيسمع مش مشكلة اللي بيقول رأيه، أنا راجل قولت رأيي وعلى الناس أن تحترمه وتاخد بيه أو لا، المشكلة إنك بتاخدي الرأي، وتحوليه إلى مين فيكوا صح، وخناقة، مبتبقاش كدا، الفكر كله غلط، هي مش خناقة ومين صح أو غلط، في الآخر لا أنا ولا هي هنحاسب بعض، ربنا هيحاسبنا'.