ناقدة فنية: جالا فهمي نجوميتها كانت أقل بكتير من إمكانيتها

قالت الناقدة الفنية ميرفت عمر، نائب رئيس مهرجان الإسكندرية السينمائي الدولي، إن الفنانة الراحلة جالا فهمي يُحترم فيها أنها ابتعدت عن الأضواء في هدوء ولم يكن أحد يعرف أزماتها الصحية سوى المقربين جدا'.

الفنانة جالا فهمي

وأضافت جالا فهمي في تصريح لـ أهل مصر:'اختفت الـ 10 سنين دول عن الجميع حتى لو حد قريب منها بيتكلم عنها بيكون بقشور، و ممكن تبقى هي اللي طلبت من الناس دي كده، مبتحبش تزج مشاكلها أو أنها تصدر مشاكلها للجمهور'.

وأضافت الناقدة ميرفت عمر قائلة:' الله يرحمها قيمة فنية لا تعوض وظلمت كثيرًا، لأنها مخدتش حقها، كان عندها الأكتر وفرصتها مجتش، وطبعا هي مش حالة منفردة لأن عندنا كتير جدًا، الفرص دي بتبقى شوية حظوظ في حياة الفنان يا لعبت معاه دور كبير وطلعته فوق يا لعبت معاه دور كبير برضه وخلته محلك سر محدش حس بيه'.

وتابعت:'جالا فهمي نجوميتها كانت أقل بكتير من إمكانيتها وكاريزمتها وحضورها كفيلين يحطوها في مكانة تانية أعلى وأرقى من اللي وصلت ليها.. الله يرحمها حزنت جدا على خبر وفاتها واكتشفت أنها كانت منسية تماما رغم أنها طاقة مهمة جدا'.

وفاة جالا فهمي

ويذكر أن جالا فهمي توفيت أول أمس السبت، عن عمر يناهز 59 عامًا، بعد تعرضها لأزمة قلبية مفاجئة، وشيع جثمانها يوم الأحد من مسجد مصطفى محمود بالمهندسين.