كشف نجل الفنان الكبير عبد الرحمن أبو زهرة، عن تفاصيل جديدة، بشأن الحالة الصحية لوالده، إثر الوعكة الصحية التي تعرض لها مؤخرا، ونقل على أثرها لأحد المستشفيات.
تطورات حالة عبد الرحمن أبو زهرة
وقال أحمد أبو زهرة لـ"أهل مصر": "الحمد لله النهاردة على الساعة خامسة بعد الضهر، حصل تحسن طفيف، ووقت الزيارة معظم أحفاده كانوا موجودين معاه"، مضيفا: "بدأ يتكلم مع احفاده يعني الوعي بدأ يكون أفضل شوية".
وكان أحمد أبو زهرة كشف لـ"أهل مصر"، منذ عدة أيام، تفاصيل حالة والده الصحية، قائلا إن والده منذ نحو أسبوع سقط في المنزل، لكن بعدها قام وتحرك وتحدث معه، ولم يكن هناك أي شيء.
وأضاف: "قعدت أنا شخصيا اتكلمت معاه، لكن بعد مرور يوم بدأت أعراض غريبة تنتابه، وكان بياخد أدوية كتبها له دكتور مخ وأعصاب، وكان الدكتور بيتكلم عن جفاف، وأنه لازم يشرب مياه كتير، لكن للأسف كان بيرفض يشرب مياه بعد ما وقع، وبدأت الحالة الغريبة تشمل عدم تركيز وعدم إدراك للأشياء اللي حواليه".
وأضاف نجل الفنان الكبير عبد الرحمن أبو زهرة: "بعدها اضطررنا لنقله للمستشفى بعد ما دكتور المخ والأعصاب قال لازم رعاية مركزة، فلما راح المستشفى عرفنا إنه كمان عنده كسر في مفصل الحوض الأيمن، وكانت آخر مرة عرفت اتكلم معاه كلمتين، يوم الجمعة اللي فاتت، وغير كدا مكنش في وعيه خالص، ومن ساعتها مفيش أي تقدم، خاصة أنه لا بياكل ولا بيشرب وطبعا كدا المعدة هتتوقف تماما".
واختتم أحمد أبو زهرة: "هو موجود على أجهزة حاليا لضخ الأكل والسوائل في الجسم، علشان موضوع الجفاف، لكنه واضح أن الجفاف مازال شديدا".
تابعوا آخر أهل مصر على Google News
