عبر الفنان تامر مجدي، عن استيائه مما يحدث من هرجلة في السباق الرمضاني، حيث كتب عبر حسابه الرسمي عبر موقع التواصل الاجتماعي 'فيس بوك'، أن هذا العام هو أسوء عام مر على تاريخ مهنه التمثيل.
وأضاف: 'أسوء موسم رمضاني ٢٠٢٢ يمر علي مهنة التمثيل، ممثلين أول مرة تقف قدام كاميرا ومجاملات بالهبل وتمثيل سيئ جداً، ممثلين في أكثر من عمل وأدوارهم مختلفة من حيث المسمى فقط، ولكن شكلهم ثابت وأدائهم ثابت وهابط جداً وواضح دور المعارف هو أساس وجودهم'.
وأشار تامر مجدي إلي: 'ممثلين أبناء أسماء مهمه في المجتمع وأخدين أكبر حجم ف سياق الدراما على الأفيش والتتر ومتصدرين على حساب أساتذة كبار سنا ومكانا فنيا، ممثلين شباب مهمين وموهبين جداً سبق وقدموا أدوار كبيره ومهمه و أثبتوا نفسهم لكن للأسف الموسم اضطروا ينزلوا ب أدوار أقل من مكانتهم عشان أكل العيش وميتناسوش'.
وأكد تامر على أن هناك، 'مشاهد تمثيل وكأنها حلبة مصارعه ومين هيعلى على التاني حتي لو المشهد هيطلع أوفر والأداء مش ف مكانه الصحيح، صوت مرتفع ف لحظات المفروض إنها لحظات صمت، تعبيرات بالوجه لا تعبر عن الشخصية ولا عن الموقف، مشاهد تمثيل أداء بارد وباهت وكأنه ده التمثيل الجديد الفلات، مرض و اتصاب بيه كتير'.
وتابع: :ممثل شاب صديقي موهوب جدا أقل ما قدم ٢٠ مسلسل يشارك بمشهدين بجمل بسيطة أمام بن فلان وده تاني عمل له وهو أكيد محور الكون ف المسلسل، الموهوب يعطي جمله حقها وجمال وبساطه ف الأداء والتاني بن فلان واقف حافظ الكلام بالعافية!!، ممثلين موهوبين لم يشاركوا من الأساس ف مسلسلات رمضان'.
واختتم مجدي كلامه: 'إحنا بنعيش فى مهزله وبنكدب على الجمهور بمهنة هي الأهم والأشهر والاصدق، أنا بغير علي مهنتي وحزين على المواهب الحقيقية وخريجي المعهد والمسرح وغيرهم، ناس كتير شغاله وساكته وبتقول أنا مالي المهم أنا والدنيا ماشيه، ولما بتعطل معاهم بيطلعوا يستنجدوا
والحمدلله أن الواحد شغال، عشان ميطلعش عليا اشاعه إني غيران مثلا، اصلهم مبدعين اوي'.
تابعوا آخر أهل مصر على Google News
