شاركت نجمة الجزء السادس، من مسلسل الكبير أوي، رحمة أحمد، متابعيها عبر حسابها الرسمي على موقع التواصل الاجتماعي 'فيس بوك'، صور لها من كواليس المسلسل مع النجم أحمد مكي، واسكرينات لتعليق النجمة نشوى مصطفى، والنجم أحمد أمين، على أدائها.
حيث ردت رحمة، عليهم قائلة: 'أنا مش عارفة أعبر عن إحساسي بالامتنان، الحمد لله والشكر لله أي حاجة حلوة حصلت أو اتقالتلي ده كرم كبير أوي من ربنا يمكن أكبر من اللي استحقه.. عاوزة أقول 3 نقط'.
وأوضحت رحمة، موقفها من مقارنتها بالفنانة دنيا سمير غانم،: 'الأولى وهفضل أقول البوقين دول كل ما حد يشاور النقطة دي إن فنانة زي دنيا سمير غانم، لا تقارن بحد... أنا مش حد خالص ... أنا من فانز دنيا سمير غانم، لأن لو اتحطينا في مقارنة من المؤكد إني أنا اللي هبقى خسرانة'.
واستكملت حديثها: 'الثانية .. بعد توفيق ربنا .. إن فنان زي أحمد مكي، يدي مساحة لحد يقول حاجة مبتحصلش من أي فنان موجود على الساحة، الراجل ده عنده إللي يكفيه وزيادة إنه يسيب فنان قدامه يقول وهو سايب إيده.. مهما اتكلمت عنه مش هوفيه حقه فنيا ولا إنسانيا'.
وأضافت رحمة،: 'المبدع أحمد الجندي ما يتخيرش عنه، يسيبك تقول..ويعليك..ويركبلك شغل ..وذكي يعرف يطلع ضحك من أي شخصية ويحطها في مكانها الصح'.
كما وجهت الشكر للفنان أحمد أمين،: 'الثالثة.. ليك إنت يا حبيب قلبي.. أخويا الكبير الداعم المستمر بكل الطرق...صادق في فرحته .. أنا مهما حكيت على إللي عملته معايا عشان أوصل أني أبقى في عمل من أهم الأعمال في رمضان مش هكفي فيك كلام.... شكراً أحمد أمين، الأخ والفنان والإنسان إنك دايما جنبي، أحمد أمين.. أحمد مكي.. أحمد الجندي.. إنتوا مكسب لأي فنان ولأي شخص وبشكر ربنا دايما إن ربنا كتبلي إني اعرفكوا'.
وختمت حديثها: 'شكراً لأي حد دعمني حتى لو بكلمة كويسة وبالأخص صلاح الدالي، فنان هياخد حقه كويس جداً ويستاهل أكتر بحبك يا صلوحة، شكرًا لأي حد وقف جنبي واللي أداني ضهره وربنا لأوريك'.
مسلسل الكبير أوي، الجزء السادس، يقوم ببطولته كلًا من أحمد مكي، ورحمة أحمد، وسما إبراهيم، وبيومي فؤاد، ومحمد سلام، وهشام إسماعيل، والحسين أبو حجاج، والعمل من تأليف ورشة كتابة تحت إشراف الكاتب مصطفى صقر ومن إخراج أحمد الجندي.
تابعوا آخر أهل مصر على Google News
