نشر الفنان محمد نجاتي، مقطع فيديو عبر حسابه الخاص على موقع التواصل الاجتماعي 'فيس بوك'، يرد فيه على منتقدي تصريح تليفزيوني سخر فيه من السيناريوهات الضعيفة التي كانت تعرض عليه.
وقال 'نجاتي' خلال الفيديو الذي نشره عبر صفحته مؤكدًا: 'كان لازم أطلع أرد وأوضح وجهه نظري في كلامي اللي اتفهم غلط مع إن كلامي كان واضح جدًا في البرنامج ومش عارف اتفهم غلط أزاي ، أنا كنت بتكلم ياجماعة عن السيناريوهات الهابطة وعن فترة زمنية معينة اللي هي ما بعد 'عرق البلح' كانت أواخر التسعينات وأول الألفينات وأنتوا عارفين الفترة دي كانت مليانة أفلام مقاولات ومليانة ورق هابط وأنا لما عبرت عن تعاملي مع هذا الورق كان في طريق الدعابة إني كنت بخلي ماما تنشف عليها البطاطس نوع من أنواع الدعابة هزار يعني، أكيد مش كل السيناريوهات كنت بعمل فيها كدا يعني، معرفش اتخدت عليا بالشكل دا ليه'.
وأشار إلى: 'طبعًا كل التقدير والاحترام لكل كُتاب السيناريو أنا راجل متربي على إيد أساتذه كبار زاي الأستاذ أسامه أنور عكاشة، والأستاذ محسن زايد، وغيرهم كتير من الكتاب الكبار اللي أنا اتعلمت على إيديهم وبدأت حياتي وأنا صغير في كتابتهم '.
واختتم كلامه قائلًا: 'أما بقى بالنسبة للناس اللي تلفظوا ألفاظ لا تليق بيهم وكانت مهينة بشكل كبير جدًا أنا مش هرد عليهم ولكن هجيب حقي بالقانون'.
تابعوا آخر أهل مصر على Google News
