بسبب الثوم.. حريق بمنزل الإعلامية هبة الأباصيري

أعلنت الإعلامية هبة الأباصيري، عن نشوب حريق بمنزلها، ونشرت صورة لآثار الحريق عبر حسابها الشخصي على موقع التواصل الاجتماعي 'فيس بوك'، وكتبت: 'الحمد لله اللطيف الستار، تفاجئنا بمنظر حريق ونار طايرة ماسكة في شباك المطبخ والحائط من بره و مواسير المياه !! لا في أثر لعقب سيجارة اترمى ولا في أي حد أصلا دخل المكان ده ولا في أي منفذ حتي لجيران يرموا في المكان ده أي حاجة ولا الجو حر نار للدرجة دي !! والنار طالعة من جوة صندوق كرتون فيه خزين التوم !! و دي أول مرة في حياتي أصلا اخزن توم !! الله يسامح الست 'ز' اللي بتساعدني هي اللي اقنعتني اخزن توم (نفس الست الطيبة اللي قالتلي وأنا عندي كورونا 'احطلك نعناع عالشاي ليه ، ما خسارة طالما انتي كده كده مش هتستطعمي 😐' ) انا لسه فاكراهالك يا 'ز' بس مسامحاكي 🙈🤣، اللهم لك الحمد يا لطيف يا ستار، راضية جدا جدا جدا يا ربي'.

يذكر أن هبة الأباصيري إحدى مقدمات برنامج 'الستات ميعرفوش يكدبوا'، بالمشاركة مع الإعلاميتين منى عبد الغني وإيمان عز الدين، والذي يعرض عبر شبكة قنوات الـ سي بي سي، كما قدمت أيضًا برنامج كش ملك على شبكة قنوات الحياة.