وجهت الموديل رحيل ذكري، رسالة جديدة، عبر حسابها على موقع تبادل الصور والفيديوهات الشهير إنستجرام، هددت فيها الفنان محمد الشقنقيري بعد إنكار زواجه منها.
وقالت رحيل ذكري عبر إنستجرام: 'يا جماعة أنا عايزاكوا تعملوا فولو وشير على الأكونت دا، لأنه تم أختراق الحساب الرئيسي والأساسي اللي عليه متابعيني، من محمد الشقنقيري، اللي اخترق التليفون كله، كمان فيه محاولات لاختراق فيسبوك، وطلع شريحة بتليفوني معرفش ازاي، بس أرجوكم أي حد يعمل منشن وشير على الأكونت دا علشان اعرف أرجع حسابي التاني'.
وأضافت رحيل: 'أنا مادام الموضوع دخل عند في عناد، قسما بربي لانزل حاجات كانت مش في دماغي أنزلها، علشان خاطر بس الواحد بيراعي الناس، وأنا قولت شيء واحد بنفصل رسميا ونهائيا عن الفنان محمد الشقنقيري، ولا طالبت بحقوقي، ولا طالبته أنه يديني مؤخر، ولا الكلام دا، بس مادام الموضوع كدا، أنا هرفع ضد دعوى تانية في محكمة الأسرة'.
وتابعت: 'أنا مبيتلويش دراعي، والنهاردة حاول يتواصل معايا وبعتلي ناس من خلاله يتواصلوا معايا، وعايزنى أعمل تكذيب ودا مش هيحصل لو هنام على البرش، مش هيحصل، أنا مش هطلع ومش هكذب لأن أنت كنت زوجي قدام الله والناس، وبشهود، ودول سواء من طرفك، أو من طرفي أو الجن الأزرق، أساس الجواز الإشهار كان موجود، وكنت مراتك، انت بتنكر الجواز يبقى هطلع وهقول وهصمم على موقفي'.
تابعوا آخر أهل مصر على Google News
