أعربت الفنانة رحمة حسن، بعد تعرضها لعضة كلب، مؤخرًا، أنها خائفة من قطتها وتعاملها بشكل عام من الحيوانات، بعدما عقرها كلب جيرمن شيبرد، منذ بضعة أيام، في منطقة حساسة وتسبب لها في جرح غائر.
ونشرت رحمة حسن عبر حسابها الرسمي بموقع تبادل الصور والفيديوهات الشهير 'إنستجرام'، وعلقت قائلة: 'انا حقيقي تعبانة ومتازمة جدا، وكوابيس ومش عارفة حتى أقرب من القطة بتاعتي، واللعب معاها لاني خايفة عليها لحد ما أخلص العلاج'.
والنهاردة أخدت الجرعة التانية، ولسة هكمل طبعا دا غير وجع الجرح حقيقي، اللي عوزة أقوله إنه فعلا لو بعد شهر ماحصلش حاجه تخص الكلب وعلاجه، وتغير سلوكه، وعدم نزوله بدون كمامة، أنا هروح آخد موقف قانوني لأني فعلا تعبانة جسديا، ونفسيا جدا جدا، وخايفة جدا يحصل دا لحد تاني، وأكون أنا السبب إني مخدتش موقف' .
وكانت الفنانة رحمة حسن، كشفت عن تعرضها لهجوم من كلب ضخم أثناء سيرها في الشارع، وأنه عقرها فى منطقة حساسة ، حيث روت الواقعة عبر حسابها الرسمي بموقع 'إنستجرام'، وعلقت رحمة حسن قائلة: 'إمبارح الساعة 11 بليل كنت نازلة أجيب حاجة من السوبر ماركت، جنب البيت، وكنت ماشية على الرصيف وكان في عربية بتركن جمبي عادي، فجأة الباب اتفتح ولقيت كلب (جيرمن شيبرد) تقريبا مش متأكدة أوى، بيهجم عليا بكل قوته'.
وأكملت: 'طبعا حاولت أجري لكن للأسف الكلب كان قوي وشرس ووقعني على الأرض، حاولت أقوم وأجري وصاحبته حاولت تشده، بس فك الليش بتاعه وعضني عضة كبيرة وغويطة بنابه في منطقة حساسة، صاحبة الكلب كتر خيرها أخذتني فوراً على مستشفى إمبابة، أدوني حقنة تطعيم الكلب ولسه فاضلي 4 هاخدهم خلال شهر بس المشكلة إن من إمبارح الجرح بينزف دم كتير'.
وتابعت: 'أنا طبعا خايفة ومصدومة وتعبانة وعندي تورم من إمبارح، واللي واجعني أكتر إني مَش عارفة أتصرف إزاي، خصوصاً إنى أكيد مش عايزة الكلب يتإذى، بس كمان مش عايزة أي إنسان كمان يتإذي ويتعض ويتبهدل في الشارع زيي، أنا كنت بشوف الكلب ده دائماً مع صاحبته بتمشي بيه في الشارع جنب البيت عندي، وعشان شكله شرس كنت بامشي بعيد عنه لما بشوفه'.
تابعوا آخر أهل مصر على Google News
