هجوم ناري على عبير الشرقاوي بعد تصريح مهرجان الجونة (صور)

تعرضت عبير الشرقاوي، ابنة المخرج الراحل جلال الشرقاوي، للإنتقاد بعد ما علقت على خبر إلغاء مهرجان الجونة في دورته السابعة عبر حسابها الرسمي بموقع التواصل الاجتماعي 'فيس بوك'.

وعلقت إحدى المتابعات لها :'ليه وإيه رأيك في مهرجان المسرح من إخراج أبوكي جلال الشرقاوي، اللي أخرج لفيفي عبده قشطة وعسل وغيره متقوليش عليه عري ليه، واللي أخرج أجرأ فيلم في تاريخ السينما ولا اكمن راحت عليكي ومش معزومه ومجرد غيرانة من زميلاتك عشان منورين وانت اطفيتي، مجرد عايزة تبقي تريند هو الشعب مش ناسي دعمك للإخوان وسبك في جنودنا'.

وعلقت عليها عبير الشرقاوي، قائلة: 'واحد أنا مش مسؤلة عن أي حاجة عملها والدي، إتنين عمري ما سبيت جنودنا، ثلاثة إنت محروقة مني ليه يابنتي مالك شايطة كده ما تهدي شوية ليطق لك عرق متغاظة كده ليه'.

وكتبت أخرى تعليق: 'هو انتي إخوانية ليه على طول بتهاجمي الفنانين مع إن أبوكي فنان وعمل أفلام جريئة وسمعت انك كنتي بتمثلي حضرتك زمان وليه بوستاتك مش على قضية مهمة تهم الفقراء وأطفال الشوارع لمجرد عايزة تبقي تريند وتعوضي شئ مفقود جواكي'.

تصريح عبير الشرقاوي على تأجيل مهرجان الجونة

وكانت علقت عبير الشرقاوي، نجلة المخرج الراحل جلال الشرقاوي، عبر حسابها الرسمي بموقع التواصل الاجتماعي 'فيس بوك' على قرار إلغاء مهرجان الجونة في دورته السابعة، وكتبت: 'أحلى خبر سمعته في حياتي، إلغاء مهرجان العري العالمي'.