شريف منير يدعم محمد نجاتي بعد أزمة اعتزاله: «ربنا معاك وينصرك»

حرص الفنان شريف منير، على تقديم الدعم والمساندة للفنان محمد نجاتي، بعدما خرج في فيديو عبر حسابه بموقع «فيس بوك»، معلنا نيته الاعتزال.

وعلق شريف منير على فيديو محمد نجاتي، قائلا:'إنت صادق في كل كلمة بتقولها وردك عجبني جدا محترم هادي مؤدب، كل الناس عارفين إنك فنان موهوب و أنا حاسس بكل كلمة إنت قولتها، بس يا نجاتي في سيناريو رباني بيحصل فجاة وتبقى غير متوقعة وتلاقي الدنيا فتحت فجأة من حيث لا تحتسب'.

وتابع شريف منير رسالته لنجاتي قائلا:'حصلي كده في فيلم عريس من جهة أمنية الدنيا كانت ضلمه وفجأة لقيت الأستاذ عادل إمام بيكلمني وكل شيء إتعدل لا تقلق هتيجي وهتنبسط بعد ضيق بس إبقى إفتكرني، ربنا معاك و ينصرك'.