حقق مسلسل "وش وضهر" نجاحًا كبيرًا بعد عرضه على منصة "شاهد" وتلقي الكثير من ردود الأفعال الإيجابية من قبل الجمهور، وشاركت النجمة ميمي جمال بعد عودتها من الاعتزال في المسلسل بدور راقصة سابقة كدور جديد لها بعيدًا عن أدوار المرأة الأرستقراطية وظهورها بشكل مختلف.
قالت الفنانة ميمي جمال في تصريحات خاصة لـ«أهل مصر»: "المسلسل حلو وإخراجه حلو أوي، مريم أبو عوف عاملة مجهود ممتاز، الممثلين كلهم اختيارهم كويس جدًا، يعني كل واحد في دوره بالظبط، والمسلسل الحمد لله له صدى كويس والناس بتتكلم عنه كويس".
وأضافت ميمي: «أنا عملت الدور طبعاً لأن أنا بحب مريم جداً، وهى قالتلي هو دور مش كبير بس الدور محتاج لحد وشكل معين، وحتى هى اللي كانت تقولي إرسمي حواجبك مدور، مفيش كحل مفيش مكياج، فأنا كنت بسمعها لأني بحبها فعشان كده عملت الشخصية".
مسلسل "وش وضهر" من بطولة ريهام عبد الغفور وإياد نصار وثراء جبيل ومحسن منصور وإسلام إبراهيم، ومن تأليف ورشة سرد لمريم نعوم، وسيناريو وحوار شادي عبد الله وأحمد بدوي، ومن إخراج مريم أبو عوف.
تابعوا آخر أهل مصر على Google News
