باسم سمرة: "أنا أشطر من السقا بكتير بدليل فيلم الجزيرة"

قال الفنان باسم سمرة، إنه أشطر من الفنان أحمد السقا بكثير وأنه في مكان والسقا في مكان آخر.

وأضاف الفنان باسم سمرة، خلال حواره مع الإعلامي عمرو الليثي ببرنامج 'واحد من الناس' المذاع عبر قناة الحياة: 'أنا مت في فيلم الجزيرة لأنه كان ليه جزء ثاني ولو كنت كملت كانوا كلهم هيقعدوا في البيت لأني أشطر واحد وكان مقصود جدا.. واتكلمت مع السقا نفسه في فيلم إبراهيم الأبيض شالوا دوي تقريبا لنفس السبب'.

وتابع: ' سألت أحمد السقا قالي إنه مش مسئول عن أي حاجة وهو طيوب ولذيذ هو أنا المخرج هو أنا المنتج، وسألت المخرج قالي الجرافيك مظبطش اسمه مروان حامد'.

واستطرد: 'أي حد ينزل الصعيد يسأل عن فيلم الجزيرة هيقولك حسن ومحمود ياسين مش هيقولك السقا'.