بعد عودتها للجزء الثاني من "رمضان كريم".. عفاف مصطفى: "مش هرمي ودني لحد" (صور)

أعلنت الفنانة عفاف مصطفى انضمامها للجزء الثاني من مسلسل 'رمضان كريم' خلال السباق الرمضاني المقبل، وذلك رغم إعلانها السابق استبعادها من العمل.

كتبت عفاف مصطفى عبر حسابها الشخصي على موقع 'فيسبوك': 'علي بركة الله.. لما تطبطب عليك الدنيا أحيانا، استقبال حافل لي من الحاج أحمد السبكي، وقاللي ليه استعجلتي وكتبتي علي صفحتك انك مش معانا ومين الشخص أو الاشخاص الغلاويين اللي وصلولك معلومه خطأ طب كنتي سألتيني انا مانتي بتتواصلي معايا وعرفت منه المسلسل أحداثه لم يتغير منها شيئ وكما هي والأستاذ أحمد عبد الله عاكف علي كتابة باقي الحلقات وكل الشخصيات زي ماهيا.

وتابعت: 'بفضل الله مضيت امبارح مسلسل 'رمضان كريم' الجزء التاني وربنا يتم لنا علي خير بإذنك يارب، وأنا من الآن فصاعدا مش هرمي ودني لحد وهجيب أي معلومة من مصدرها، بأمانه فرحانة ويارب تكرم كل زملائي اللي في المهنه الشاقة يشتغلوا ويفرحوا ويرزق كل طالب رزق بفضل دعواتكم ليه يا أصدقائي كانت من الله الإستجابه وجبر الخاطر، الحمد لله'.

وكانت الفنانة عفاف مصطفى، قد أعلنت استبعادها من العمل مستنكرة ذلك الأمر عبر حسابها الشخصي حيث كتبت: 'كنت حاطة أمل كبير اشترك في الجزء الثاني من مسلسل رمضان كريم، لكن محصلش، وأنا زعلانة ومحبطة، ليه كده يا حاج أحمد السبكي، ليه كده يا أستاذ أحمد عبد الله تغيروا القصة اللي الناس حبتها'.