وجه الإعلامي محمد الغيطي، رسالة شديدة اللهجة للفنان محمد رمضان، عبر برنامجه 'تقدر' المذاع على قناة الشمس.
وقال' الغيطي': 'محمد رمضان يستحق الهجوم والنقد ويستحق أن الإسكندرانية الجدعان بلد سيد درويش وبيرم التونسي ترفض محمد رمضان وتلفظه'.
وأضاف:'هو عمل فيديو وقال إنه هينزل الإسكندرية انهارده وأمشي فيها بدون حراسة، وهذا يدل على عدم وعي ونضج وعدم حس لاسياسي ولا أمني ولا وطني ولا اجتماعي ولافني ويعبر عن خواء فكري وجهل '.
وتابع الغيطي: 'بحيي المحافظ اللواء محمد الشريف إنه دعم الحملة اللي عملتها مجموعات من الإسكندرانية على السوشيال ميديا.. رمضان كذاب مفيش ٧٠ ٪ من التذاكر اتباعت اللي سمعته من أحد المصادر إنه لم يتم بيع نصف التذاكر'.
وتابع: ' وحتى لوباع ٨٠٪ من التذاكر ماهو ليه جمهوره' ، متسائلا: 'من هو هذا الجمهور أكيد في شريحة ما بتحب المهرجانات وتحب هذا الإسفاف هناك فئة ما ده مستواها'.
محمد رمضان يرد على محافظ الشرقية السابق
يذكر أن محمد رمضان، نشر مقطع فيديو عبر حسابه الشخصي على 'إنستجرام' قال فيه: 'سيادة المحافظ السابق مع حملة ضد محمد رمضان، والشركة المنظمة للحفلة بايعة 70% من التذاكر مع إن فاضل 17 يوما عالحفلة يعني لسه بدري، حلو يا سيادة المحافظ أنا هقوم البس دلوقتي وانزل إسكندرية ربنا يقدرني وادخل جوا كل منطقة في إسكندرية النهاردة'.
وتابع: 'هل لما المواطن يطلب حاجة هتعمل زيي وتنزل النهاردة وتسأل الغلابة هل انتو زعلانين من حاجة؟ أنا نازل إسكندرية النهارده وعلى رجلي ومن غير أي حراسة'.
جاء ذلك بعدما دعم محافظ الشرقية السابق الحملة المقاطعة لحفل محمد رمضان في الإسكندرية.
تابعوا آخر أهل مصر على Google News
