اعلان

رحاب الجمل عن كود ملابس مهرجان القاهرة السينمائي: قرار مش صح في المطلق

رحاب الجمل مع العرافة
رحاب الجمل مع العرافة

علقت الفنانة رحاب الجمل، على قرار الفنان حسين فهمي رئيس مهرجان القاهرة السينمائي الدولي، بارتداء الملابس الرسمية خلال فعاليات المهرجان.

وقالت رحاب الجمل في تصريح لـ «أهل مصر»: 'قرار مش صح في المطلق، لكن في ظل ظروف بعض الحاجات اللي حصلت مستفزة، أقدر اقوله الله يعنيك، معاك حق علشان لازم يبقى شكلنا لائق'.

يشار إلى أن الفنان حسين فهمي أوضح شكل الزي الرسمي، في الدورة الـ 44 لمهرجان القاهرة السينمائي، والمنتظر إقامتها في الفترة من 13 إلى 22 نوفمبر المقبل، وقال إن مهرجان القاهرة ضمن مهرجانات الفئة الأولى، وتابع: 'لما جيت المهرجان لقيت أن كل واحد بيلبس اللي هو عايزه، أنا لما حد بيجيلي البيت مش هستقبله بالبيجاما، هلبس كويس والستات تلبس لطيف'.

وتابع فهمي قائلا: 'للأسف الشديد الأمر تطور لأكثر مما كنت متخيل، وبقى (وريني يا حبيبتي الفستان طيب لفي كده.. مين اللي عامل التسريحة واسمه أيه الكوافير؟)، مش ده المهرجان'.

وواصل حسين فهمي حديثه قائلا: 'لازم كلنا نبقى ملتزمين بالملابس الرسمية بتاعة كل المهرجانات الدولية، ألان ديلون لما جه المهرجان كان جاي بالبدلة السموكنج على كتفه، ده عادي واللبس اللي إحنا بنتفق عليه دوليا'.

وأكمل: 'نفس الزي الرسمي هيبقى موجود، والناس هتلبس كويس وتبقى شيك وهيبان إنه مهرجان قيم جدا'.

WhatsApp
Telegram
عاجل
عاجل
بث مباشر مباراة الأهلي والزمالك في نصف نهائي دوري سوبر السلة (لحظة بلحظة)