الموزع الموسيقي عادل حقي عن صاحب "انتش واجري": اللي بيقول ده رزق ربنا مبينشرش الفساد

هاجم الموزع الموسيقي والملحن عادل حقي، صاحب تريند 'إنتش واجري'، قائلا :' النيزك يارب.. أنا مش عاوز أشتغل مع شركة الاتصالات إذا كانت هتجيب ده'.

وأضاف الموزع عادل حقي، خلال مداخلة هاتفية لـ برنامج 'تقدر' تقديم الإعلامي محمد الغيطي المذاع على قناة 'الشمس': 'أحنا وصلنا لمستوى غريب.. أنا شوفته ضحكت وخلاص لكن الموضوع يتاخد بجد ووسائل الإعلام تستضيفه طب ما احنا اللي بنعمل كده ماهو غيره طلعوا كده وأصبحوا نجوم للأسف ولهم معجبين'.

وتابع: 'لكن يستضيفوه ويقول أنا بخبط على صدري عشان معنديش إمكانيات وحتى لو عندك إمكانيات أنا مش هسمح إنك تبوظ الساحة الفنية أكثر ما هي بايظة يعني إحنا بنعاني الفن بينزف مليان قمامة وقرف ومع ذلك تريند تريند'.

وأكمل: ' كل حاجة بقت تريند بكرة أطلع عريان في الشارع عشان أعمل تريند.. هل في رادع للموضوع ده.. اللي هيقول ده رزق أولا ربنا مبينشرش الفساد والقبح'.