شريف سلامة يحكي موقفا لـ محمود عبدالعزيز معه غير له حياته (فيديو)

كشف الفنان شريف سلامة عن موقف له مع الفنان الراحل محمود عبدالعزيز غير له حياته.

وقال الفنان شريف سلامة، خلال حواره مع الفنان أمير كرارة في برنامج 'سهرانين' المذاع على قناة 'أون': ' أول مرة شوفت الفنان محمود عبدالعزيز كنت في المايه فقالي تعالى أنت بتبصلي كده ليه قولتله يعني هو سؤال غريب حضرتك محمود عبد العزيز، قالي أنت عنيك فيها حاجة غريبة أووي'.

وأضاف شريف سلامة: ' قالي أنت بتمثل أنا شوفتك قبل كده قولتله لأ قالي أنت بتدرس فين قولتله معهد فنون مسرحية مكنتش عايز أمثل.. قالي قسم إيه قولتله إخراج وتمثيل قال إيه ده أمال يعني إيه مبتمثلش'.

وتابع: ' قالي تعالى لي يوم الأحد الساعة كذا في دور هدهولك بس طبعا لو المخرج مقتنعش أنا هرشحك بس فرحت وأخذت الدور كان في مسلسل محمود المصري وأول مشهد لي كان أمامه ومغلطتش فيه لأني كنت خايقف فمركز جدا وعاوز إني أظهر إني قد المسئولية'.