ظهر الفنان أحمد العوضي في فيديو بثه على مواقع التواصل الاجتماعي، للرد على منتقديه لظهوره مع عامل النظافة الذي طرد من كشري التحرير وتم تداول خبر طرده بشكل واسع عبر المنصات الالكترونية.
وقال العوضي،: أنا بحترم من أيدوا موقفي ومن اختلفوا معي، لكن من حقي أن أظهر للرد عليهم مش علشان أدافع عن نفسي، لأني لست في موضع اتهام لكن لكي أوضح وأفسر ما قمت به.
وأضاف بالبلدي كده لو أنت أخوك عنده مشكلة في الشارع تنزل تجيب حقه في نفس الشارع اللي اتعمل عليه نمرة فيه، مستطردا : 'من يقول دي مش خناقة ودي حاجة لازم تبقى بينك وبين ربنا، دا غلط لأن اللي بينك وبين ربنا في السر الصدقة بس.
وتابع :أنا جبرت بخاطره في إشارة إلى عامل النظافة، مضيفا: من سار بين الناس جابرا للخواطر أدركه الله في جوف المخاطر، وهذا الرجل انكسر قدام الناس فحقه أنه أطلعه منصور قدام الناس وده دوري أنا لو ربنا مديني شهرة أو مديني حاجة كويسة، وربنا ما إدهاليش كده علشان ابقى رجل مشهور بس ، لكن أدهالي لسبب أنا باستخدمه للي يرضي ربنا سبحانه وتعالي.
وأردف : اوعي تفتش في النوايا، وأنت مش قاضي في الأرض و موكل بالتفتيش عن نوايا الناس، لأن سوء الظن يقضي على روابط الألفة وأواصر المودة ’ ودايما الشخص السىء يظن السوء في الناس، والشخص الطيب يفترض حسن النية ، أنا ولا صورته ولا أي حاجة كل الموضوع إني نزلت بوست أنت أخويا وأنا معاك لاني رجل مش متكبر وقاعد في الشارع طول عمري وهفضل في الشارع وهفضل أراضي في خلق الله .
وعن كواليس صوره مع عامل النظافة قال إن موقع القاهرة 24 تواصل معه واقترح عليه أن يحضر له العامل فرحب بذلك ، وعندما بدأوا التصوير أنا قلت له أنا أكل أنا وأنت في طبق واحد لاننا كلنا واحد وكلنا ولاد تسعة فأنا ولا مضخمها ولا مكبرها ولا مخطرها أنا مبسطها وميسرها علشان خاطر ربنا مبسطها وميسرها عليا .
واختتم: 'الموضوع ليس مقصودا منه الشو ولا أي حاجة، وياعم لو شو فالرجل حس أن ربنا رضاه وأنه مبقاش مكسور قدام الناس وهو ما جعله مبسوطا بالأمس والرجل لقى شغل، مضيفا:' ياعم قلدني لو عرفت تساعد حد أنه يلاقي شغل دي حاجة كبيرة ـ ومش أحمد العوضي اللي عمل كده دا ربنا سبب أحمد أنه يعمل كده، لأنه بيسبب الأسباب'.
تابعوا آخر أهل مصر على Google News
