نقيب الموسيقين لعمرو مصطفى: «كنت بتيجي الاستديو علشان القعدة فيها عمرو دياب»

رد الفنان مصطفى كامل على تصريحات الفنان عمرو مصطفى، بخصوص نكران فضل الفنان عمرو دياب عليه.

وأوضح " كامل"، خلال تصريحات متلفزة: " مش عايز أقول لفظ وحش، نكران الجميل وحش وده نكران جميل، وعمرو مصطفى ناكر جميل عمرو دياب، هو هيهزر؟".

واستكمل " كامل"، حديثه قائلًا: " كنت واخد عهد على نفسي ألا أتطرق لعمرو مصطفى، ورغم استيائي منه إلا أنه ملحن كويس، بس أوعى تنسى إنك كنت بتيجي الأستوديو وأنا موجود، علشان تبقى موجود في قعدة فيها عمرو دياب".

وتابع: " أنا شوفتك ومليش دعوة جيلك شافك ولا لا، بس شوفتك وأنت بتيجي علشان بس تكون مجرد واحد قاعد في قاعدة فيها عمرو دياب، وبتتكلم على مين" .

يذكر أن الفنان عمرو مصطفى نكر فضل الفنان عمرو دياب عليه خلال تصريحاته في الأونة الآخيرة، إذ قال خلال لقاء تلفزيوني: " أنا بالنسبة لي المطربين زي بعض، مفيش حد مهم، شغلي هو اللي مهم، وأغنية حبيبي يانور العين أتشهرت بسبب لحنها، وأنا لم أبيع العشرة بيني وبين عمرو دياب، لو هتكلم على العشرة مابينا، هو لم يعزيني في وفاة أمي، وعمرو دياب ليس له فضل عليا".