بعد انتقاد تصريحاتها عن مشاهدها الجريئة.. ميار الببلاوي: "أنا لا عاوزة أجيب سيرة الفيلم ولا يشرفني"

وجهت الفنانة ميار الببلاوي، رسالة إلى جمهورها بعد تعرضها للانتقادات بعد آخر لقاء لها في أحد البرامج، مشيرة إلى أنها لم تقصد أن تتصدر التريند بتصريحاتها عن مشاهدها الجريئة في فيلم 'ديسكو ديسكو' أو حديثها عن زملائها الفنانين.

وكتبت ميار الببلاوي، منشورا عبر حسابها الرسمي على موقع التواصل الاجتماعي 'فيس بوك' قالت فيه: 'انا مش هدافع عن نفسى ومش هقول انى صح بس ربنا شاهد انى بتكلم بعفويه ومبعرفش اتخابث ولا قصدى اى اساءه لاى حد من زملائى الى بحبهم وبقدرهم وبعتز باى عمل شاركتهم فيه طوال السنين الى فاتت وانا لا عاوزه اجيب سيره الفيلم ولا المشهد ولا يشرفنى ونفسى انسى والناس تنسى بس معرفش ليه بعد ٢٥سنه بينبشوا فى الماضى فى فنانات عاملين مىات الافلام وفيها مشاهد نسال الله المغفره اشمعنى ميار الى لازم تترجم وتتبهدل وكل الى عاوز يعمل شو يبقى عليا'.

وأضافت: 'انا برفض كل يوم مقابلات فى برامج لكن مروه صبرى اخت زميلتى عبير وبحبهم هما الاثنين غير كده انا حرمت اى مقابله غير لما اعرف طبيعه الاسئله وهركز فى كل كلمه ومش هذكر اسماء ولا مواقف بس الصحفيين واليوتيوبرز يرحمونى من العناوين الى ملهاش علاقه بالكلام الى جوه الفيديو'.

وتابعت: 'وبالنسبه للتريند الى انا عاوزه اركبه حد الله انى اركب التريند بشتيمه الناس ليا وعلشان ااكدلكم انا محوله موبايلى ومبردش على اى صحفى انا نفسيتى تعبت وجالى اكتئاب وابنى مضايق جدا واختى كده كفايه وبالنسبه لانى بعمل كده علشان انا اتنسيت وعندى حب للظهور قولوا الى يعجبكم انا ناجحه فى برنامجى ولله الحمد وراضيه بيه ولو جالى شغل فدا رزق اشكر عليه ربنا مجاليش مش هلجاء للطرق الرخيصه دى علشان اشتغل وبالنسبه للميكب والرموش والضوافر حاضر هشلهم علشان ابقى كده واجهه للحجاب دا كل الى عندى وافوض امرى الى الله ان الله بصير بالعباد'.

يذكر أن الفنانة ميار الببلاوي ظهرت في برنامج 'قعدة ستات' من تقديم مروة صبري عبر قناة 'القاهرة اليوم' وتحدثت عن مشاهدها الجرئية في فيلم 'ديسكو ديسكو' وحكت كواليس تصويرها في رمضان.

وقالت ميار الببلاوي: 'الفيلم كله متصور في رمضان وأنا عندي عقدة من موضوع رمضان دا، أه كنت شابة وبلبس عادي، لكن كان في مشهد مع عمرو عبد الجليل مكنتش عاوزة أصوره لأن كنا في رمضان لدرجة أني دخلت الحمام وقفلت على نفسي بالمفتاح وقعدوا يخبطوا عليا كنت مستنية المغرب يأذن قولت لنفسي حتى لو استغفر الله العظيم هعمل حاجة غلط ميبقاش في الصيام'.