كشفت الإعلامية ياسمين الخطيب، عن عدد زيجاتها، مشيرة إلى أنها تزوجت أربع مرات وأن هذا رقم كبير بالنسبة لها، وأنها عرض عليه الزواج في السر.
ياسمين الخطيب: تزوجت في السر وندمت
وقالت ياسمين الخطيب، خلال حوارها مع الإعلامي سعيد جميل في برنامج 'أنا سعيد' المذاع على قناة 'القاهرة والناس': ' حصل أني تزوجت في الخفاء والواحد وقتها مبيفكرش صح طالما قلبك شغال عقلك مبيفكرش صح فبتبقى قرارات مش سليمة.. عملتها وندمت عليها وعلى حاجات كتير'.
وردا على سؤال هل ممكن أن تقبل أن تكون الزوجة الثانية.. أضافت ياسمين الخطيب: ' لو هو بيحبني جدا وأنا فعلا حاسة إنه هو مش سعيد في حياته مش بيكذب هديله فرصة لأنه الحياة اختيارات هو لو مش سعيد في حياته طب ما ينفصل، هقوله لو فعلا مش سعيد في حياتك خد قرارك ولو هو مش سعيد يبقى أنا عملت في معروف إنه هو هينهي العلاقة'.
وتابعت ياسمين الخطيب: 'لو زوجي بيمر بأزمة مالية هقف جنبه بلا حدود لحد يعني ما أبيع كليتي.. أنا ست جدعة جدا وبعمل ده حتى مع أصدقائي ولو جوزي وأنا بحبه فعلا ممكن عشانه أعمل أي حاجة وأضحي بفلوسي كلها لأننا في أزمة مشتركة'.
وعن الصفات التي تعجبها في الرجل.. أوضحت: 'شخصية الراجل هي اللي بتجذبني بحب الراجل الذكي الناجح في شغله ومتحقق مبحبش التافهين ولا المحدث مهما كان نجاحه ولا ذكاؤه مفيش حاجة تشفعله المحدث ده مقدرش استحمله ٥ دقائق'.
وأكملت ياسمين الخطيب: ' الرجالة كلهم معندهمش مشاعر حنية الرجالة زي ما بيقولوا بالبلدي بتبقى فرشة كده في الأول جر رجل'.
تابعوا آخر أهل مصر على Google News
