زيزي عادل: ستار أكاديمي لا يناسب تقاليدنا والحمامات كان فيها كاميرات (فيديو)

كشفت المطربة المعتزلة زيزي عادل، عن استيائها من برنامج ستار أكاديمي، مشيرة إلى أنها لو عاد بها الزمن للوراء في بداية مشوارها الفني لن تشارك فيه.

زيزي عادل: ستار أكاديمي لا يناسب تقاليدنا

وقالت زيزي عادل، خلال حوارها مع الإعلامية ياسمين عز في برنامج 'كلام الناس' المذاع على قناة 'إم بي سي مصر': 'لو رجع بيا الزمن أكيد مكنتش هروح برنامج ستار أكاديمي، بعد تغير طريقة تفكيري وتقربي من ربنا وكل اللي بيحصلي ده يخليني أقول إن كان فيه حاجات كتير مكنش المفروض أعملها، ولكن أنا من الناس اللي مبتندمش وبشوف إن كل حاجة حصلت في حياتي ليها ترتيب وكل حاجة ليها أسباب'.

وأضافت زيزي عادل: 'تجربتي في ستار أكاديمي كانت هي بداية النجاح والانطلاقة، عدت من البرنامج مشهورة مع إني مكنش عندي أغنية ولا أي حاجة، ولكن كنت مشهورة كأني نجمة بقالي 10 سنين بغني، ولقيت عروض من شركات إنتاج كبيرة، ولما رجعت مصر مصدقتش عدد الناس اللي كانوا جايين يستقبلوني، لأن أنا قعدت هناك 4 شهور مفيش تليفزيون ومكنتش عارفة أنا معروفة برا ولا لأ، ولا أعرف كان بيتكتب عني أخبار ولا لأ ولما رجعت في صدمة بتحصل كده إني مشهورة والدنيا بتختلف'.

وتابعت: 'فكرة برنامج ستار أكاديمي لا تناسب تقاليد المجتمع، كان فيه كاميرات في كل مكان، حتى الحمامات كان فيها كاميرات عند المرايات، والموضوع ده كان بيضايق'.

اعتزال زيزي عادل

يذكر أن زيزي عادل أعلنت اعتزالها الغناء نهائيًا في شهر إبريل الماضي، في فيديو نشرته عبر حسابها على تطبيق 'انستجرام'، وأكدت أنها قررت الابتعاد عن الشهرة ومغريات الحياة.