قالت الفنانة سلوى عثمان، «لم أرزق بأطفال ولكن أغلب الستات بتكون عندها الأمومة بالفطرة، وأنا بتعامل بهذة الطريقة وبتخيل لو رزقت بأطفال هعمل إيه مع بنتي ومن طبعي أني مش بكون قاسية مع حد، إلا لو حد في مشكلة ببعد عنه، لكن بشكل عام مش بحب القسوة بطبعي، وعندي حتة الحزم ولو كان عندي أطفال كنت هاعامل أطفالي وفي التمثيل معاملة واحدة».
سلوى عثمان
حلت الفنانة سلوى عثمان ضيفة أمس، على برنامج كلام الناس المذاع على فضائية 'MBC مصر وقالت: «زوجي أسامة متفهم جدًا شغلي ومتفهم أوي إن أوقات في رمضان بنطبق أيام في الإستديو وبنكمل للصبح ومتقبل هذه الفكرة، وأنا أيضًا مش بقصر في واجباتي المنزلية بمعنى إني مشغولة معرفش عنه حاجة، لا كله ببقى عاملة حسابه ومنظمة وقتي وعندي ترتيب لحياتي بحيث إني مقصرش في حاجة».
احترام الرجل مهم بس لو هو محترم
وتابعت: «انتي أرائك حلوة وكل شئ بس الراجل أو الست اللي بيحترم أوي دة بيكون حد كويس جدًا، وفي ناس بتكون سيئة سواء ست أو راجل ومش هنعمم على الراجل إنه وحش ولا هنعمم أنه كويس، الراجل المحترم على راسي من فوق زي ما بتكلم عن رزوجي لأنه إنسان محترم وكويس جدًا، فأنا هتكلم عنه وحش ليه إلا لو في حد تاني بقى وحش دي حاجة تانية، منقدرش نعمم أحكام مطلقة على حد».
تعقيب سلوى عثمان عن دورها في الغرفة 207
وأضافت عن دورها في مسلسل الغرفة 207: «دوري في المسلسل مش كبير فـ فالأول كنت عمالة أفكر أشتغل مشتغلش بس لما شوفت المشهد الأخير اشتغلت مخصوص عشانه، وريهام عبد الغفور عاملة مجهود جامد جدًا ولازم تاخد فيه جائزة، لدرجة إني مرة في الاستديو شوفتها اتخضيت من شدة تقمصها للشخصية في المسلسل، الشغل كله في المسلسل كان جميل بس كنت حاسة إن دوري مش كبير أوي بس الحمد لله على أد أنه مكانش كبير أوي بس عمل تأثير مع الناس خصوصا المشهد الأخير».
وتابعت: «أتبع أسلوب في حياتي إن لو حد زعلني ببعد عنه، مبحبش الدوشة والمشاكل خصوصا في شغلي، لو حد عمل حاجة ببعد ومش بواجه حد وبسكت ولما بنتقابل تاني بعمل كأني مش شيفاه ولا موجود معايا وبتبع اسلوب التجاهل ومش بحب أعمل مشكلة، وفي مجالي مش بغير من حد وببقي مركزة إني اطلع اعمل شغل حلو».
وتابعت: «أنا اتجوزت فترة صغيرة وبعدين حصل انفصال واتجوزت تاني زوجي الحالي من 15 سنة، فالبداية شغلي بالنسبالي خط أحمر مع أي حد بتجوزو وبنتفق إني أنا عمري ما هسيب شغلي، وحطيت بند عند المأذون وقت الزواج إني مش هسيب شغلي، وزوجي هو من أوحى لي بهذه الفكرة'.
آخر أعمال سلوى عثمان
يذكر أن آخر أعمال الفنانة سلوى عثمان كان مسلسل 'الغرفة 207'، الذي تم عرضه عبر منصة 'شاهد VIP'، محمد فراج، ريهام عبد الغفور، ناردين فرج، مراد مكرم، كامل الباشا، سلوى عثمان، سمر علام، وآخرين، وهو من إخراج محمد بكير، وكتابة تامر إبراهيم.
تدور أحداث العمل في فترة الستينات من القرن الماضي، وتتمحور حول الغرفة رقم 207 في فندق لونا حيث يبدأ جمال (محمد فراج) عمله الجديد كموظف استقبال في الفندق. ولاحقًا تبدأ أحداث مريبة بالظهور في حياة نزلاء الغرفة 207، فيما يجد جمال نفسه منخرطًا في كشف حقيقة ما يجري في ظل الشائعات التي يسمعها عن تلك الغرفة الغامضة.
تابعوا آخر أهل مصر على Google News
