تحدث الفنانة رانيا يوسف عن موقف ابنتها من الانتقادات الموجهه اليها قائلة ' ابنتي لم تنزعج من هذه الانتقادات مطلقا وبالعكس هي دائما تقول لي ياماما خليكي براحتك واعملي اللي إنتي شيفاه صح وأحنا في ضهرك واخدين مني قوة الشخصية بحكم ما مرينا من صعوبات في جوازاتي وحياتي ومرو معايا بحاجات مش لطيفة خالص وشافوا أد أيه أنا كنت شجاعة وقوية أمام هذه الصعوبات وأنا تعبتهم وفي مرة بنتي الكبيرة قالتلي إنتي عقدتيني من الناس من كتر اللي شوفته معاكي اتعقدت من الناس عموما' .
رانيا يوسف
وحلت الفنانة رانيا يوسف ضيفة علي برنامج كلام الناس للإعلامية ياسمين عز علي فضائية MBC وتحدثت عن أزمتها مع التريندات في عام 2022 وآخرهم كان خبر زواجها من الفنان أحمد الفيشاوي لتقول: ' مش ناوية اتجوز وحاليا أنا وأحمد بنعمل فيلم سوا وهنبدأ تصوير في منتصف يناير القادم، وكنا بنقرا ورق الفيلم في أوتيل عامل احتفالات عشان رأس السنة وقولنا نتصور ونزلنا الصور علي السوشيال ميديا الناس افتكرت إن إحنا هنتجوز بس مافيش أي حاجة من الكلام دة '.
رانيا يوسف وأحمد الفيشاوي
وتابعت رانيا يوسف وقالت : 'أنا في البيت ست عادية مش عاملة شعري ولا حاطة ميك أب ولا قاعدة مأنتخة، نفسي يكون عندنا نموذج زي ميسي في مصر، أتمنى أتجوز راجل أجنبي'، متابعة: 'فيه أصدقاء مشتركين بيني وبين ميسي، وأنا بحبه؛ لأنه راجل تجاوز مشاكل كبيرة، ومش بتاع منظرة' وعن استغراب الناس من ملابسها الجريئة قالت: 'طول عمرى بلبس مايوه وشورت، وأنا مش بتغير عشان حد، واللى مش عاجبه رانيا لا يتابعها'.
آخر أعمالها
الجدير بالذكر أن آخر أعمال الفنانة رانيا يوسف كان فيلم 'التاروت' بطولة سمية الخشاب، ورانيا يوسف، مى سليم، ومحمد عز، عبد العزيز مخيون، بجانب عدد من الفنانين ضيوف الشرف منهم أحمد التهامي، ومحمد خميس، ومحمد الشقنقيري، ويوسف منصور طفل الغزالة الرايقة، وكنزي رماح وسعيد يحيي، وتدور أحداث الفيلم في إطار تشويقى مثير حول 3 بنات حصلت لهن حادثة ونشوف مدى تأثير الحادثة في حياتهن.
تابعوا آخر أهل مصر على Google News
