غادة إبراهيم: أنا كاريزما ودي حاجة من عند ربنا (فيديو)

تحدثت الفنانة غادة إبراهيم عن تمتعها بالقبول عند الجمهور، خلال حضورها فعاليات مهرجان وشوشة الذي أقيم مؤخرا.

غادة إبراهيم

وقالت غادة إبراهيم في تصريح لـ أهل مصر:'الكاريزما من عند ربنا.. يعني ممكن ابقى مش حلوة على فكرة و لابسة عادي خالص بس فيه كاريزما.. يعني ممكن اقولكم مثلا فيفي عبده عندها كاريزما ولما تتكلم الناس بتحب تتفرج عليها '.

وتابعت غادة إبراهيم قائلة'ومع تعليقات الجمهور والناس الجميلة فأنا الكاريزماتيك اللي في مصر'.

في سياق آخر دافعت الفنانة غادة إبراهيم عن الفنانة وفاء مكي بعد شكواها مؤخرا من تدني أوضاعها المادية، بسبب عدم عرض أي أعمال فنية عليها طوال السنوات الماضية.

وقالت غادة ابراهيم في تصريح لـ 'أهل مصر:'وفاء حبيبتي وبنتكلم بقالنا فترة وعندها مشاكل جامدة جدا، والدتها تعبانة اوي حرام يعني بجد، و ده دور النقابة يا جماعة لأزم يوقفه جنب الفنانين'.

وأضافت ابراهيم قائلة:'وفاء عاملة بطولات وو ممثلة شاطرة وعفوية واشتغلت مع نجوم كبار أوي، وكون أنها مرت بازمة وقعدت كذا سنة في البيت فده مش ذنبها، طيب ما يخلوها تمثل وتعمل أم أو عمة أو خالة، وبعدين لسه جميلة وصغيرة ومؤدية وشاطرة وممثلة جميلة، ما فيه ناس مفروضة علينا وهي أقل أجرا منهم، وهي بتقول أنا مش عايزة حسنة من حد عايزة تشتغل'.

وتابعت غادة إبراهيم قائلة:'فيه تقصير بجد ياجماعة، دور النقابة وزملائها ما تشغلوها في ايه؟!، بقولها يا وفاء أنتي حقك تشتغلي عن ناس كتير موجودة ملهاش لأزمة اشتغلوا كتير اوي و زهقونا'.

وعن الفنانين الذين يعانون مؤخرا في عالم الفن قالت:'زييا الآلاف مظلومين، أحنا 4000 ممثل وممثلة واللي شغال 20 ..الشلالية والرباطية والمحسوبية والفنانين اللي بيدعموا أولادهم وأصحابهم وقرايبهم وشلتهم.. زهقنا بجد زهقنا، فيه موهوبين كتير أوي قاعدين في البيت'.